Bazar Handia (Ürümqi)

Ürümqiko Bazar Handia, ofizialki Xinjiangeko Nazioarteko Bazar Handia (txinera tradizionalez: 新疆國際大巴扎; txinera sinplifikatuz: 新疆国际大巴扎; pinyinez: Xīnjiāng Guójì Dàbāzhā; uigurreraz: شىنجاڭ خەلقئارا چوڭ بازىرى, Шинҗаң Хелқ'ара Чоң Базири‎Shinjang Xelq'ara Chong Baziri), munduko bazar edo azoka handiena da[1], Txina ipar-mendebaldeko Ürümqi hirian dagoena. Kultura eta arkitektura islamiarra, merkataritza etnikoa turismoa eta aisialdia konbinatzen ditu.

Bazar Handia (Ürümqi)
Urumqi s bazzar.jpg
Kokapena
Estatu burujabe Txinako Herri Errepublika
Eskualde autonomoXinjiang
Prefektura mailako hiriÜrümqi
Koordenatuak 43° 47′ N, 87° 37′ E / 43.78°N,87.62°E / 43.78; 87.62Koordenatuak: 43° 47′ N, 87° 37′ E / 43.78°N,87.62°E / 43.78; 87.62
Historia eta erabilera
Irekiera2002

HistoriaAldatu

Ürumqi Zetaren Bidean sortu zen eta merkataritza tradizio handia izan du[2]. Gaur egungo Bazar Handia 2002an eriki zen eta 2003ko ekainaren 26an ireki zituen ateak. Bazarra osatzen duten eraikinek islamdar arkitektura eta hiriko etnien kultura erakusten dute; uigurrak, kazakhak, Hui txinatarrak... Zetaren Bidea islatzeko asmoarekin eraiki zen horrela.

DeskribapenaAldatu

Ia 40.000 m²-ko azalera hartzen du[3]. 3.000 saltokitik gora daude eta denetarik saltzen dute; jantziak, musika tresnak, ontziak, bitxiak, fruitu lehorrak, gozoak, alfonbrak...[3] Errusia eta Mongoliatik ekarritako produktuak ere saltzen dira[4].

Eraikin aipagarri batzuk badaude bazarrean:

  • Ikuspegi dorrea: 80 metrotako altuera duen dorrea da eta bertatik Bazar guztiaren ikuspegi ederra dago. Goren pisuan Pelek taberna dago[3].
  • Oturuntza eta ikuskizun antzokia: Xinjiangen dagoen antzoki handiena da, 1.000 ikuslerentzako tokia baitu. Afaltzen den bitartean ehundaka dantzarik eskaintzen duten ikuskizuna ikus daiteke gauero[3].
  • Elikagaien patioa: 3.225 m²-ko azalera duen patioa da eta Txinan dauden 56 gutxiengo etnietako jakiak dastatu daitezke bertan. Xinjiangeko jaki tipikoak ardi errea, Xinjiangeko noodleak eta arroza dira[3].
  • Alaitasunaren enparantza: Ürümqitarrak egoten diren tokia da. Egunez hiritarrak hizketan eta denbora-pasa ikusten dira eta gauek ikuskizunak antolatzen dira[3].
  • Meskita[4]

Xinjiangeko Zetaren Bidearen MuseoaAldatu

Bazar Handiaren ondoan dago, Europar estiloko eraikin baten 5. eta 6. solairuetan. Bertan ikusgai dauden objetu gehienak bi garairi dagozkio, Han dinastiari (K.a. 202-K.o. 220) eta Tang dinastiari (618-907). Basamortu eremu honetako zibilizazio eta kulturen erakusketa dauka eta txinatarren eragina nolakoa izan zen ere azaltzen du[4].

IruditegiaAldatu

ErreferentziakAldatu

  1. «地标评选之新疆:国际大巴扎-搜狐新闻» news.sohu.com . Noiz kontsultatua: 2019-10-20.
  2. (Ingelesez) «Time Travel Turtle - More bizarre than bazaar» Time Travel Turtle 2016-12-29 . Noiz kontsultatua: 2019-10-20.
  3. a b c d e f «Xinjiang International Grand Bazaar, Urumqi» www.travelchinaguide.com . Noiz kontsultatua: 2019-10-20.
  4. a b c «Urumqi Grand Bazaar, Erdaoqiao, Urumqi International Bazaar» China Highlights . Noiz kontsultatua: 2019-10-20.

Kanpo estekakAldatu