Armstrongen muga
Armstrongen muga, Armstrongen lerroa ere deitua, presio atmosferiko oso txikiaren ondorioz (0,0618 atmosfera edo 6,3 kPa) urak giza-gorputzaren tenperatura normalean (37 °C-tan) irakitea eragiten duen altitudea da. Termino honen izena 1947an Randolph Aire Armadaren Basean, Texasen, Ameriketako Estatu Batuetako Aire Armadaren Espazio-medikuntza Saila sortu zuen Harry George Armstrongen abizenetik dator. Altitude hau 18.900 eta 19.350 metro (62.000–63.500 oin) bitartean kokatzen dute askok.
![](http://upload.wikimedia.org/wikipedia/commons/6/61/Caproni_Ca.161_pilot.jpg)
Adibidez pilotu batek Armstrongen mugatik gora hegan egingo balu bakarrik oxigeno-maskara batez lagunduta, hau da, presurizatutako jantzirik gabe, bere birikietako urak eta listuak irakingo lukete.