Ireki menu nagusia

Alto de las Bordas Viejas

Euskal Herriko mendia

Alto de las Bordas Viejas deritzona, Nafarroako mendi bat da, Andiako mendilerroan dagoena. Hiru tontortxoz osatuta dago: Iparraldekoa, hiruretatik garaiena, 1265 metrorekin, erdialdean beste bat, askorik nabarmentzen ez dena, 1259 metroko garaieran dagoena eta beste bat hegoaldean, 1262 metrokoa. Tradizionalki, orain Alto de las Bordas Viejas deritzona, Trekua deitu izan da, hura, dagokion toponimoa delarik. Trekua lepo bat da, muinoaren hegomendebaldean dagoena.

Alto de las Bordas Viejas
Datu orokorrak
Garaiera 1.265 m
Geografia
Koordenatuak 42° 52′ 03″ N, 1° 55′ 04″ W / 42.86736944°N,1.91770556°W / 42.86736944; -1.91770556Koordenatuak: 42° 52′ 03″ N, 1° 55′ 04″ W / 42.86736944°N,1.91770556°W / 42.86736944; -1.91770556
Herrialdea Euskal Herria
Mendikatea Andimendi
Herrialdea Espainia
Lurraldea Nafarroa Garaia
Mendizaletasuna
Ohiko bidea Lizarraga mendatea/Goñi
Mendikat Mendikat
Luberri Luberri

AbiapuntuakAldatu

Ibilbide labur bat Goñitik abiatzen da, Goñibar haranari izena ematen diona, ospetsua euskal folklorean Teodosio Goñikoa jauna bertakoa zelako. Mendiko herrixka honetara Irurtzunetik heltzen da, Ollarango harana eta Artetako mendatetik. Goñitik, San Migelen ermitaranzko bidea hartzen da. Toki honetan bidea uzten da pagadian sartzeko, pixkana-pixkana, galtzen doan bidezidor batek zeharkatzen duena. Bastagillerena eta Obiarena bordetatik gertu irtetzen da, nondik Goñiko Altuetako muinora igotzen den. Basoa atzean utziz, aurreko tontorrak igarotzen dira, tontor nagusira igotzeko

Lizarragako mendatetik, ibilbidea luzea da, baina, goitierari dagokionez, oso erosoa. Sarasa lautada igarotzen da, Usabide, Eskalaborro eta Peña Blanca haitzen gainean, Bordas Viejas de Atazabaleko muino zabalaren aurrean kokatzeko. Toki honetan interesgarria da eskumatarantz desbideratzea, Trekua lepora iritsi, eta bertan dagoen trikuharria ikusteko, oso gertu Trekuaren benetako tontorra geratzen delarik. Ezkerretik, hegoaldeko tontorrera iristen da, eta, erdialdeko tontorretatik igaroz, tontor nagusira iristen da.

Euskarazko Wikipedian bada atari bat, gai hau duena:
Euskal Wikiatlasa