Ain Yoon
Ain Yoon (Seul, Hego Korea, 1996ko irailaren 24a) Koreako musika klasikoko piano-jotzailea eta kontzertista da. Zortzi urte zituela orkestra batekin aritu zen lehen aldiz.[1][2]
| Ain Yoon | |
|---|---|
 | |
| Bizitza | |
| Jaiotza | Seul, 1996ko irailaren 24a (27 urte) |
| Herrialdea |  Hego Korea |
| Hezkuntza | |
| Heziketa | Moskuko kontserbatorioa |
| Jarduerak | |
| Jarduerak | piano-jotzailea eta concert artist (en)  |
| Musika instrumentua | pianoa |
| ainyoon.com | |
Biografia eta ibilbidea aldatu
Oso gaztetatik, Ain Yoonek musikarako dohainak erakutsi zituen. Lau urte zituela jo zuen lehen emanaldia, eta zortzi urte zituela orkestra batekin aritu zen lehen aldiz.[3] Gimpo herrian bizi izan zen hamabi urte bete arte, eta 2005ean Moskura joan zen Elisso Virsaladze piano-jole georgiarrarekin ikastera, Moskuko Kontserbatorioko Musika Eskola Nagusian. 2012an graduatu zen, summa cum laude, eta hurrengo urtean, 2013an, bakarkako lehen diskoa grabatu zuen: First Impression, 13 Years Ain Debut.[4][5][6]
Komunikabideekiko harremana laster hasi zen, Errusiako telebistako Kultura TV saioan parte hartuz, 2008an, eta Koreako irratiko hainbat saiotan, hala nola KBS 1TV "Classic Odyssey" eta KBS Classic FM Radio. Kritikak pianoko neskatila miresgarritzat hartu zuen.[5]
Nazioarteko ibilbidea aldatu
Errusia eta Korea ez ezik, beste herrialde batzuetan ere ibili zen, bakarrrean eta nazioarteko orkestrekin, hala nola Incheongo Orkestra Sinfonikoa, KT Ganbera Orkestra (Hego Korea), Shumengo Orkestra Sinfonikoa (Bulgaria), Kaunasko Orkestra Filarmonikoa (Lituania), Volgogradeko Sinfonikoa, Naberezhnye Chelnyko Sinfonikoa, Kostromako Sinfonikoa, Samarako Sinfonikoa, Petrozavodsk-eko Sinfonikoa, Novgorod-eko Sinfonikoa (Errusia), Musika Eskola Zentraleko Orkestra Sinfonikoa, Musika Bizia Orkestra Akademikoa, Kremlingo Ganbera Orkestra, Slobodkina Zentroko Orkestra (Mosku).
2013an Bakarka egindako lehen CDa grabatu zuen, First Impression, 13 Years Ain Debut izenburukoa.[7]
Bere ibilbide profesionalean, Klineko Tchikovskiren Etxean (Errusia), Koreako Kumho Art Hall, Varnako Udako Musikaren Nazioarteko Jaialdian (Bulgaria) eta Koreako KT Ganbera Aretoan (Letonia, Lituania, Estonia, Bulgaria, Italia eta Estatu Batuak) hartu zuen parte.[7]
Espainian egin zuen lehen kontzertua Madrilen izan zen, Korea 2022 Musika Klasikoaren Zikloaren barruan, Koreako Errepublikaren Enbaxadako Kultura Zentroak antolatuta eta Arte Ederren Zirkuluarekin lankidetzan. Mozart eta Liszten sei pieza izan ziren errezitaldian, eta errepertorioko Rhapsodie espagnole delakoa eskaini zioten espainiar ikusleei.[4][8]
Sariak aldatu
Ain Yoonek sari ugari jaso ditu lehiaketa nazionaletan eta nazioartekoetan. Hauetariko batzuk:
- 2015er Pancho Vladigerov Nazioarteko Lehiaketako saria (Bulgaria, shumen).[9]
- 2014an: 1. saria K.N. Igumnov izeneko Piano-jotzaile Gazteen XII. Lehiaketa eta Jaialdi Nazionalean (Errusia, Lipetsk).[10]
- 2008an 1. saria Bach Rosalyn Tureck-en Nazioarteko Lehen Lehiaketan (Estatu Batuak, New York).[11]
Beste aintzatespen batzuk ere lortu zituen, hala nola ,
Serebryakova Arte Unibertsitateko (Errusia, Volgogrado) Nazioarteko VIII. Piano Gazte Lehiaketako bigarren saria, F Pianista Gazteen Nazioarteko III. Lehiaketako bigarrena. Chopin (Estonia, Narva) eta Moskun (Errusia) urtero egiten den 'Intxaur-hauskailua' Musikari Gazteentzako Nazioarteko 7. Telebista Lehiaketako hirugarren saria.[7]
Erreferentziak aldatu
- ↑ (Gaztelaniaz) Ain Yoon - Círculo de Bellas Artes. 2022-03-10 (Noiz kontsultatua: 2023-12-14).
- ↑ «Ain_Yoon» Bing (Noiz kontsultatua: 2023-12-14).
- ↑ 윤아인 Ain Yoon - bach piano concerto in f minor(3rd mov). .
- ↑ a b «La pianista Ain Yoon actuará en el Ciclo de Música Clásica Corea 2022» The Diplomat in Spain 2022-04-22.
- ↑ a b «Ain Yoon» www.geniuspianokids.com.
- ↑ «FIRST IMPRESSION: 13 YEARS AIN DEBUT» www.hottracks.co.kr.
- ↑ a b c «Rachmaninov Academy» Rachmaninov Academy.
- ↑ «pianista Ain Yoon actuará en el Ciclo de Música Clásica Corea 2022» Doce Notas 2022-04-12.
- ↑ Ain Yoon - Bulgaria National Television Program. .
- ↑ «Narodowy Instytut Fryderyka Chopina» festiwal.nifc.pl.
- ↑ «Past Winners» tureckbach.
Kanpo estekak aldatu
Datuak: Q111802847
