Urbina Eza
- Beste esanahi batzuen berri izateko, ikus: «Urbina (argipena)»
Urbina Eza Arabako mendebaldeko herri eta kontzeju bat da, Kuartango udalerrikoa. Inoiz ez du biztanle askorik izan (1590ean, 8 bizilagun; 1786an, 47; 1993an, 7), baliabideen aldetik ez baita herri aberatsa.[1] XVIII. mendean galdu zuen euskara.[2]
| Urbina Eza | |
|---|---|
 Euskal Herria | |
 San Joan Ebanjelariaren eliza, mendebaldetik ikusia. | |
 | |
| Kokapena | |
| Herrialdea |  Araba |
| Udalerria | Kuartango |
| Administrazioa | |
| Posta kodea | 01439 |
| INE kodea | |
| Herritarra | urbinar |
| Geografia | |
| Koordenatuak | 42°52′40″N 2°53′16″W / 42.87778°N 2.88778°W |
| Demografia | |
| Biztanleria | 21 (2022: Adierazpen errorea: Ustekabeko < eragilea Espresio akatsa: Ez dago operadorerik -(r)entzat) |
Eliza aldatu
Urbinako eraikinik nabarmenena San Joan Ebanjelariaren eliza da, jatorriz Erdi Arokoa, erromaniko berantekoa.[3] Herriaren baliabide urritasuna dela kausa, urte askoan eliza erabat hondatuta izan zen, harik eta XIX. mendearen bukaeran berritu zuten arte.[1] Urbinarrek garai hartan erosi zuten eliza horretan orain dagoen erretaula: XVI. mendeko erretaula errenazentista bat, ordu arte Gasteizko San Pedro elizako albo aldare batean egona.[4][5] Erretaulako toki nagusian, San Joan Ebanjelariaren irudia dago, XVI. mendekoa hura ere.[5]
Geografia aldatu
Herria A-3314 errepidearen ondoan dago, Badaiako mendilerroaren mendebaldeko malda malkartsuen oinean, Baia ibaiaren ezkerraldean, udalerriko herriburu den Zuhatzu Kuartangotik kilometro bat iparraldera. Urbinaren lurretatik igarotzen da, herrigunetik mendebalderago, AP-68 autobidea.
Demografia aldatu
1590ean, Urbinak 8 biztanle zituen. 1786an, 47 biztanle; haien artean, gramatikako ikasle bat eta bi ehule. XX. mendearen hasieran, 31 biztanle ziren. Eta 2020an, 18 biztanle.[1]
| Urbinako bilakaera demografikoa, XXI. mendean |
|---|
 |
| Datu-iturria: Espainiako Estatistika Erakundea[6] |
Iruditegia aldatu
-
San Joan Ebanjelariaren elizako portada, erromaniko berantekoa. -
San Joan Ebanjelariaren eliza, elurpean, ekialdetik ikusia. -
San Joan Ebanjelariaren irudia, XVI. mendekoa. -
Elizako erretaula errenazentista, XVI. mendekoa, XIX. mendean Gasteizko San Pedro elizatik ekarria.
Erreferentziak aldatu
- ↑ a b c «Urbina Eza», Kuartangoko Udalaren webgunea.
- ↑ «Urbina Eza», Lur Hiztegi Entziklopedikoa.
- ↑ «San Joan eliza», Arabako Foru Aldundiaren webgunea.
- ↑ Arabako Foru Aldundia. (2010). Araba herriz herri. Arabako Foru Aldundia, 85 or..
- ↑ a b (Gaztelaniaz) Alberto Garate Goñi: «Urbina Eza», Auñamendi Eusko Entziklopedia.
- ↑ Espainiako Estatistika Erakundea. «Nomenclátor: Población del Padrón Continuo por Unidad Poblacional» INE.es (Noiz kontsultatua: 2021-06-23).
Kanpo estekak aldatu
- (Gaztelaniaz) Alberto Garate Goñi: «Urbina Eza», Auñamendi Eusko Entziklopedia.
Datuak: Q3552250
Multimedia: Urbina Eza / Q3552250
