Senatorio jauregia

Senatorio jauregia (italieraz: Palazzo Senatorio) Erromako Campidoglio enparantzan dagoen jauregia da, gaur egun Erromako udaletxearen egoitza dena. Campitelli rionean kokaturik dago.

Senatorio jauregia
Irudi gehiago
Kokapena
Estatu burujabe	Italia
Eskualdea	Lazio
Italiako hiri metropolitarra	Erromako hiri metropolitarra
Italiako udalerri	Roma Capitale
Municipio of Rome	Municipio I
Koordenatuak	41°53′35″N 12°29′01″E
Historia eta erabilera
Irekiera	1605
Jabea	Roma Capitale (en)
Arkitektura
Arkitektoa	Michelangelo Giacomo della Porta
Estiloa	pizkundetar arkitektura
Webgune ofiziala

Historia

K.a. 86 urtean Tabularium eraiki zen Inperioaren artxibategi izateko. Erdi Aroan honen hondarrak gatz biltegi gisa ere erabili ziren. 1235 eta 1303 artean Bonifazio VIII.a Aita Santuak dorre bat eraiki zuen eta 1250 eta 1325 artean Senadoarentzako jauregia ere eraiki zen.

Eraikina gotortu zuten eta Kapitolino muinoaren gainean egoteak ere abantaila nabaria ematen zion Erromatar foroaren gainean.

1538an Paulo III.ak eremua txukuntzea erabaki zuen eta Michelangelori enparantza bat eraiki zezan eskatu zion. Honek Campidoglio enparantza ("Kapitolioko enparantza") diseinatu zuen. Bertan Senatorio jauregiari orientazioa aldatu zion, Erromatar foroari begira egon beharrean plaza berriari begiratzeko. Ondoan zuen Kontserbadoreen Jauregiari eraikin bikia egin zion parean, Jauregi berria deiturikoa.

Michelangelo hil zenean Giacomo della Porta arkitektuak jarraitu zuen lana eta jauregiaren aurrealde berria 1605 urtean amaitu zen.

Kanpandorrea (Torre della Patarina) Martino Longhi Zaharrak diseinaturikoa da. XVI. mendean tximista batek jo eta behera erori ondoren beriz eraiki zen.

Iruditegia

• 
  Senatorio jauregia, aurrean Marko Aurelioren estatua.
• 
  Erromatar forotik ikuspegia.
• 
  Kanpandorrea.
• 
  Cordonata eskailerak.

Kanpo estekak

• Datuak: Q927092
• Multimedia: Palazzo Senatorio (Rome) / Q927092