Schreiber musker
Schreiber muskerra (Lacerta schreiberi), Lacertidae familiako muskerra da[1]. Iberiar penintsulako mendebaldean bizi da; tartean, Euskal Herrian.
| Schreiber musker | |
|---|---|
 | |
| Iraute egoera | |
 Ia galzorian (IUCN 3.1) | |
| Sailkapen zientifikoa | |
| Erreinua | Animalia |
| Filuma | Chordata |
| Klasea | Reptilia |
| Ordena | Squamata |
| Familia | Lacertidae |
| Generoa | Lacerta |
| Espeziea | Lacerta schreiberi Bedriaga, 1878
|
| Banaketa mapa | |
 | |
| Eguneko zikloa | eguneko |
Deskribapena aldatu
Buru motz eta lodia du. Animalia berdea da gainaldean eta horixka sabelaldean. Isatsa luzea du, gorputzaren luzera halako bi, gutxigora behera. Isatsak kolore arrea izan ohi du. Guztira 40 cm inguruko luzera hartzen du Schreiber muskerrak.
Ugalketa garaian arren burua eta lepoaldea oso urdinak bihurtzen dira. Emea ez da hain deigarria izaten, kolore berde-arrea izaten du eta alboetan orbain zuriak ateratzen zaizkio[2].
Habitata aldatu
Iberiar penintsulako iparraldeko eta mendebaldeko mendikateetan topatuko dugu, bai eta Erdialdeko Sisteman ere. Hariztietan eta pagadietan bizi da, ibaiertzetatik gertu, hezetasuna maite baitu. Urtero 600 mm-ko prezipitazioa baino gehiago jasotzen duten eremuetan aurkitzen da. Ipar-mendebaldeko lurretan 1.500 metroko altueran ikus daiteke, eta Erdialdeko Sisteman 2.100 metroan ere bai.
Ugalketa aldatu
Udaberrian ugaltzen da, apirilaren eta ekainaren artean. 4-24 arrautza jartzen ditu eta udan erruten ditu bi hilabetetan zehar.
Elikadura aldatu
Intsektuak eta araknidoak jaten ditu batez ere; kakalardoak, euliak, eltxoak, matxinsaltoak, armiarmak... Txori txikien edota muskerren arrautzak ere jaten ditu tarteka. Uda amaieran fruitu txikiak ere jaten ditu; masustak, adibidez[3]. Animaliak ehizatzeko esprint motzak egiten ditu.
Erreferentziak aldatu
- ↑ Sá-Sousa, P., Marquez, R. & Pérez-Mellado, V. (2005) Lacerta schreiberi
- ↑ (Gaztelaniaz) «Lacerta schreiberi, Lagarto verdinegro» Naturaleza y turismo (Noiz kontsultatua: 2021-02-10).
- ↑ «Reptiles de Valsaín - Lagarto verdinegro (Lacerta schreiberi)» www.montesdevalsain.es (Noiz kontsultatua: 2021-02-10).
Ikus, gainera aldatu
Datuak: Q1628813
Multimedia: Lacerta schreiberi / Q1628813
Espezieak: Lacerta schreiberi
