Rishi Sunak

Rishi Sunak
	; (2022) Irudi gehiago
Ogasun Ministroa
; 79. Erresuma Batuko Lehen Ministroa
Erresuma Batuko Zerbitzu Zibileko Ministroa
Batasunerako Ministroa
Alderdi Kontserbadorearen buruzagia
Ogasun Kantziler
; Erresuma Batuko 58. Legebiltzarreko kidea
Chief Secretary to the Treasury (en)
Erresuma Batuko Kontseilu Pribatuko kidea
Parliamentary Under-Secretary of State for Local Government (en)
; Erresuma Batuko 57. Legebiltzarreko kidea
; Erresuma Batuko 56. Legebiltzarreko kidea
Bizitza
Jaiotza	Southampton, 1980ko maiatzaren 12a (43 urte)
Herrialdea	Erresuma Batua
Talde etnikoa	British Punjabis (en)
Lehen hizkuntza	ingelesa
Familia
Aita	Yashvir Sunak
Ama	Usha Sunak
Ezkontidea(k)	Akshata Murty (2009ko abuztua -
Familia	ikusi N. R. Narayana Murthy (en) (aitaginarreba); Sudha Murthy (en) (amaginarreba);
Hezkuntza
Heziketa	Stanford Unibertsitatea 2006) ; Stanford Graduate School of Business (en) ; Lincoln College (en) 2001) : Philosophy, Politics and Economics (en) ; Winchester College (en)
Hezkuntza-maila	Enpresen Zuzendaritza eta Kudeaketako Masterra
Hizkuntzak	ingelesa; hindia; Punjabera
Jarduerak
Jarduerak	politikaria eta finantza-analista
Altuera	170 zentimetro
Lantokia(k)	Londres
Enplegatzailea(k)	The Children's Investment Fund Management (en) ; Goldman Sachs (2001 - 2004)
Jasotako sariak	ikusi Fulbright Scholarship ;
Sinesmenak eta ideologia
Erlijioa	hinduismoa
Alderdi politikoa	Erresuma Batuko Alderdi Kontserbadorea
	rishisunak.com

Rishi Sunak (/'rɪʃiː_ˈsuːnæk/ ahoskatua; Southampton, Erresuma Batua, 1980ko maiatzaren 12a) politikari britainiarra da, 2022ko urriaren 24tik Alderdi Kontserbadoreko burua. 2020tik 2022ra, COVID-19 birusak eragindako pandemia garaian, Ogasuneko ministroa izan zen, eta 2019tik 2020ra Altxorreko idazkari nagusia izan zen. Gaztetik izan da Alderdi Kontserbadoreko kidea da, eta diputatua izan da Richmond (Yorkshire) eskualdeko ordezkari, 2015etik aurrera.

Southamptonen jaioa punjabiar jatorri indiarreko gurasoekin. Haiek Britainia Handira emigratu zuten Ekialdeko Afrikatik 1960ko hamarkadan. Gero filosofia, politika eta ekonomia (PPE) ikasi zituen Oxfordeko Lincoln Collegen, eta geroago Kaliforniako Stanford Unibertsitateko MBA bat lortu zuen Fulbright Scholar gisa. Stanforden ikasten ari zela, Akshata Murty ezagutu zuen (N. R. Narayana Murthyren alaba da, Infosys sortu zuen negozio gizon aberats indiarra) eta geroago harekin ezkondu. Sunak eta Murty Erresuma Batuko 222 pertsonarik aberatsenak omen dira: 2022tik aurrera 730.000.000 bat libera dutela kalkulatu da. Graduatu ondoren, Goldman Sachsentzat lan egin zuen, eta geroago bazkide gisan ibili Children's Investment Fund Management eta Theleme Partners taldeetan.

Sunak 2015eko hauteskunde orokorretan aukeratu zuten Komunen Ganberarako, Ipar Yorkshireko Richmond hirian, William Hague politikariaren ondorengo. Brexitaren alde agertu zen 2016ko erreferendumean. Theresa Mayren bigarren gobernuko Parlamentuko idazkariorde izendatu zuten Tokiko Gobernurako 2018ko birmoldaketan. Mayk dimisioa eman ondoren, Sunak Boris Johnsonen kanpaina babestu zuen. Johnson aukeratu eta lehen ministro izendatu ondoren, Johnsonek Sunak izendatu zuen Altxorreko idazkari nagusi. Sunakek Sajid Javid ordezkatu zuen Ogasuneko ministro gisa, azken horrek 2020ko otsaileko kabinetean dimisioa eman ondoren.

Ogasun ministro gisa, Gobernuak COVID-19aren pandemiari emandako finantza-erantzunean eta haren eragin ekonomikoan nabaria izan zen: besteak beste, Coronavirus Job Retention eta Eat Out to Help Out planetan parte hartu zuen. 2022ko uztailaren, 5ean Ogasun ministro kargua utzi zuen, Johnsonekin politika ekonomikoan zituen desadostasunak aipatuz bere dimisio gutunean. Javidek Osasun idazkari kargua uztearekin batera, Johnsonen dimisioa ekarri zuen ministro-krisi baten erdian dimisioa eman zuen.

2022ko urrian, Alderdi Kontserbadoreko buru izendatu zuten eta Erresuma Batuko historiako lehen ministrorik gazteena izateko aukera lortu zuen.^[1]^[2]

Erreferentziak aldatu

↑ Susaeta, Igor. «Sunak toryen lider berriaren «lehentasun nagusia» da alderdia eta herrialdea batzea» Berria (Noiz kontsultatua: 2022-10-24).
↑ «Erresumako Batuko pertsonarik aberatsenetako bat izango da lehen ministro berria: Rishi Sunak» Argia (Noiz kontsultatua: 2022-10-24).

Kanpo estekak aldatu

Datuak: Q20055561
Multimedia: Rishi Sunak / Q20055561

[1] Susaeta, Igor. «Sunak toryen lider berriaren «lehentasun nagusia» da alderdia eta herrialdea batzea» Berria (Noiz kontsultatua: 2022-10-24).

[2] «Erresumako Batuko pertsonarik aberatsenetako bat izango da lehen ministro berria: Rishi Sunak» Argia (Noiz kontsultatua: 2022-10-24).

[1]

[2]