Margarita de Mayo Izarra
Margarita de Mayo Izarra (Polán, Toledo, 1889ko uztailaren 20a – Madril, 1969) Espainiako idazle, ikertzaile eta kazetaria izan zen.[1][2]
| Margarita de Mayo Izarra | |
|---|---|
| Bizitza | |
| Jaiotzako izen-deiturak | Margarita de Mayo Izarra |
| Jaiotza | Polán, 1889ko uztailaren 20a |
| Herrialdea |  Espainia |
| Heriotza | Madril, 1969 (79/80 urte) |
| Hezkuntza | |
| Heziketa | Queen Elizabeth College (en)  |
| Hizkuntzak | gaztelania |
| Jarduerak | |
| Jarduerak | irakaslea, idazlea eta kazetaria |
| Enplegatzailea(k) | Illinoisko Unibertsitatea Vassar College (en) |
Ibilbide profesionala aldatu
Margarita de Mayok, Lehen Hezkuntzako maistra-titulua lortu ondoren, 1914tik 1918ra Valdepeñas (Ciudad Real) nesken eskola graduatu bateko irakasle ibilbideari ekin zion.[2][3]
1918. urtearen erdialdetik, Azterlan eta Ikerketa Zientifikoak Zabaltzeko Batzordeko (JAE) idazkaritzan lan egin zuen, eta urte horren bukaeratik 1924ra bitartean Institutu-eskolan prestakuntza-atalean eskolak emateko ardura hartu zuen.[2] Garai hartan María de Maeztuk sortutako Señoritas egoitzan bizi izan zen eta bertan Egoitzako nesken taldeko irakasle jardun zuen.
1921ean, pentsioa eman zioten Britainia Handian ikasturtea pasatzeko. Londresko King's College for Women ikastetxean plaza bat lortu zuen.[2][3] Itzultzean, Maezturekin elkarlanean jarraitu zuen, Eskola Institutuko eta Egoitzako egoiliar eta langile gisa.
1924an JAEko pentsioduna izan zen New Yorkeko Vassar Collegera joateko, eta han Espainiako Departamentuko kide iraunkorra izan zen 1956an erretiroa hartu zuen arte.[2] Han, Pilar de Madariaga kimikariarekin eta Sofía Novoa musikologoarekin batera aritu zen, Señoritas Egoitzarekin eta Escuela Institutuarekin lotuak. 1948an doktoratu zen Gabriel Miróren El estilo tesiarekin.
Bere lanaren zatirik ezagunena bere kazetaritza-alderdia da. 1930eko hamarkadan hasi zen kazetari lanetan, El Bien Público, diario monárquico de Mahón, edota La Correspondencia Militar, Madrid Cientifico edo Nuevo Mundo. Batzuetan M. de Mayo Izarra gisa sinatzen zituen artikuluak. eta bere artikuluetan, besteak beste, eta bere artikuluetan Espainiako irakurleei New York bezalako hiri iparramerikarrak, besteak beste, eta estatubatuarren bizimodua ezagutarazten saiatzen zen..[2]
Lanak[3] aldatu
- Lluvia de Hijos, fartsa komikoa hiru ekitalditan (1915)
- Nuestros prosistas y poetas. Burgos, [s.a.].
- Galdós (Margarita de Mayoren testu hautaketa) 1922.
- Tradiciones y leyendas de Toledo. Burgos, [s.a.].[4]
- Obras de Benito Pérez Galdós (literatura edizioa Margarita de Mayoren eskutik). 1935.
Erreferentziak aldatu
- ↑ «Personajes toledanos del siglo XX reviven en una alta institución de la capital» Eldigitalcastillalamancha.es.
- ↑ a b c d e f «Margarita de Mayo Izarra, de Polán a Estados Unidos | Biblioteca de Castilla-La Mancha» biblioclm.castillalamancha.es.
- ↑ a b c «:: Mujeres y Educación ::» previa.uclm.es.
- ↑ «datos.bne.es» datos.bne.es.
Kanpo estekak aldatu
Datuak: Q43884781
