Lactarius pergamenus

Lactarius pergamenus
	Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Russulales
Familia	Russulaceae
Espeziea	Lactifluus pergamenus; Kuntze, 1891

Lactarius pergamenus Russulaceae familiako onddo espezie bat da.^[1] Perretxiko hau jatea ezinezkoa da. Oso mina da.

Sinonimoa: Lactifluus pergamenus.

Deskribapena

Kapela: 6 eta 12 (16) cm bitarteko diametrokoa. Lau-ganbila, gero lau-inbutu itxurakoa eta inbutu itxurakoa; haragi gogorra eta tinkoa, baina hauskorra, boli zuri kolorekoa, ukitzean arre kolorekoa; eremu zirkularrik gabea, ez da likatsua; opakua, askotan zimurtsu-erretikulatua ertzean; hasieran ertza gogor biribilduta beherantz, ondoren zabaldua.

Orriak: Oso meheak, lodiak, desberdinak, hankara urkilatuak, estu, dekurrente samarrak, zurbilak gero krema kolorekoak eta horixkaz zikinduak.

Orri dekurrenteak: Hanka ukitzeaz gain, beherantz jarraitzen duten orriak.

Hanka: 2,5 eta 9 cm bitarteko garaierakoa eta 1,5 eta 2,5 cm bitarteko lodierakoa. Forma askotarikoa, gehienetan zilindrikoa edo baita oinarrian mehetua ere, betea, gogorra, leuna, eta glabroa, edo zikindua; gehienetan eszentrikoa.

Haragia: Zuria, solidoa eta gogorra. Latexa, ugari eta zuria, oso akrea.^[2]

Etimologia: Lactarius terminoa "lac" "lactis", esnetik dator, esneari dagokio. Latexa jariatzen dutelako ebakitzean edo haustean. Pergamenus epitetoa, orrien hori-pergamino koloreagatik du.

Jangarritasuna

Ez da jangarria.^[3]

Nahasketa arriskua

Lactarius piperatus dekakoarekin nahasten da, antz nabarmena du. Haragiak eta latexak kolore horia hartzeko duten joerak bereizten du. Lactarius piperatus espeziean, berriz, kolore urdin-berderako joera dago. Lactarius pergamenus txikiagoa izan ohi da, eta itxura lerdenagoa izaten du. Beste Lactarius zuri batzuek ez dituzte orriak hain estu

Sasoia eta lekua

Udan eta udazkenean. Pagoen, arteen eta xarmen basoetan, gehienetan taldeetan; oso gutxitan koniferoen azpian.^[4]

Banaketa eremua

Ekialdeko Ameriketako Estatu Batuak, Europa, Euskal Herria.^[5]

Erreferentziak

↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 94 or. ISBN 84-282-0865-4..
↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 401 or. ISBN 84-282-0253-6 (T.I). ISBN: 84-282-0538-8 (O.C.)..
↑ (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.
↑ Lactifluus pergamenus: GBIF—the Global Biodiversity Information Facility.

Kanpo estekak

Datuak: Q104884571
Multimedia: Lactifluus pergamenus / Q104884571

[1] Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.

[2] (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 94 or. ISBN 84-282-0865-4..

[3] (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 401 or. ISBN 84-282-0253-6 (T.I). ISBN: 84-282-0538-8 (O.C.)..

[4] (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.

[5] Lactifluus pergamenus: GBIF—the Global Biodiversity Information Facility.

[1]

[2]

[3]

[4]

[5]