Josetxo Goia-Aribe
Josetxo Goia-Aribe (Doneztebe, 1959ko martxoaren 12a) nafar saxo jotzaile eta konpositorea da, jazza eta musika tradizionala harilkatzen dituena.[1]
| Josetxo Goia-Aribe | |
|---|---|
| Bizitza | |
| Jaiotza | Doneztebe, 1959ko martxoaren 12a (65 urte) |
| Herrialdea |  Nafarroa Garaia, Euskal Herria |
| Hezkuntza | |
| Hizkuntzak | gaztelania |
| Jarduerak | |
| Jarduerak | musikaria eta musikagilea |
| Musika instrumentua | saxofoia |
  | |
Bizitza aldatu
Donezteben sortu bazen ere, urte eta erdi zuela familia Iruñera joan zen bizitzera, Jarauta karrikara lehenbizi eta Kale Nagusira ondoren. Aita txistularia izaki, gazte-gazterik hasi zen txistua ikasten. 15 urterekin gaita jotzen hasi zen, eta lauzpabost urtez ibili zen harat-honat, Nafarroako herrietan barrena. 19 urterekin, ostera, saxofoia ikasteko erabakia hartu zuen. Ikasketak Iruñean hasi eta Donostian bukatu zituen. Karrera amaierako saria eman zioten.[1]
Jazza gustatzen zitzaionez, Sebastiana koartetoa sortu zuen 1984an,[2] eta kontzertu ugari eman zituen. Beka bati esker, Parisera joateko aukera izan zuen 1992an. Han ezagutu zituen zenbait musikarirekin batera, Auñamendi diskoa argitaratu zuen 1996an.[1] 2014an, Alan Lomax etnomusikologoaren eredua hartu zuen Hispania fantastic diskoan. 1950eko hamarkadan Iberiar penintsulan zehar ibili zen Lomax, grabagailuarekin, eta herri kantu asko bildu zituen. Horietako batzuen aldaerak sartu zituen diskoan.[3] 2018an, Jito Alai dantza eta musika ikuskizuna sortu zuen, Gayarre Saria eskuratu zuena.[4]
Diskografia aldatu
- Auñamendi (1996)
- Eunate
- Herrimiña, Chano Domínguez eta Iñaki Salvadorrekin
- Ilhargi-min, Maddi Oihenartekin
- Los pendientes de la reina, Sorkunde Idigoras, Estitxu Pinatxo eta Luisa Britorekin
- La Orquesta Jamalandruki
- En Jota, Arantxa Diezekin
- Hispania fantastic (2014)[3]
Erreferentziak aldatu
- ↑ a b c Ilintxeta, Reyes, "Hemen harremanak askotan artalde moduan bideratzen dira, otsoaren beldur-edo", Argia, 2013-01-06, CC-BY-SA lizentzia
- ↑ Pamplona/Iruña, aunamendi.eusko-ikaskuntza.eus
- ↑ a b Tubia, Iker, "Tradiziozko musika, nahieran", Berria, 2015-01-04
- ↑ Jito Alai. Aires bohemios-La tierra baila, teatrogayarre.com
Kanpo loturak aldatu
- Webgune ofiziala, josetxogoia-aribe.com
Datuak: Q20492629
