Inocybe rimosa
Inocybe rimosa edo Pseudosperma rimosum Inocybaceae familiako onddo espezie bat da.[1] Sindrome muskarinikoa eragiten du.
| Inocybe rimosa | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Inocybaceae |
| Generoa | Inocybe |
| Espeziea | Inocybe rimosa |
Sinonimoa: Inocybe fastigiata.
Deskribapena aldatu
Kapela: 2,5 eta 6 cm bitarteko diametrokoa. Txikia, koniko-kanpai itxurakotik lau-titidunera, fibrilosoa eta normalean, zirrikitu erradialekin; hori ilun kolorekoa edo gaztaina kolorekoa.
Orriak: Estu, sabeldun samarrak, itsatsi-unziformeak, gris koloretik okrera doan kolorekoak, ertz zuriarekin.
Hanka: 4 eta 5 cm bitarteko garaierakoa eta 0,3 eta 0,6 cm bitarteko diametrokoa. Zilindrikoa, betea, erraboildun samarra, zuritik horixkara doan kolorekoa, goialdean irin zuriaren antzekoarekin, fibrilla txikiz estalia gainerakoan.
Haragia: Zuria, pixka bat iluna oinean, larru-ustel usainarekin eta zapore fungikoarekin.[2]
Etimologia: Inocybe terminoa , muskulua, nerbioa, zuntza esan nahi duen "is inós" hitzetik eta burua esan nahi duen “cybe” hitzetik dator, hau da, zuntzezko kapela. Rimosa epitetoa latinetik dator, pitzatua esan nahi duen "rimosus" hitzetik. Kapela erradialki pitzatua izaten duelako.
Toxikotasuna aldatu
Toxikoa.[3]
Nahasketa arriskua aldatu
Inocybe patouillardii delakoarekin nahas daiteke, honek orri grisak ditu tindu gorrixkekin. Inocybe maculata espeziearekin ere bai, honek kapela ilunagoa du. Inocybe squamata-k kapela horiagoa du eta titia marroi-gorrixka kolorekoa.[4]
Sasoia eta lekua aldatu
Udan eta udazkenean, taldean ateratzen da beti. Kosmopolita, edozein lurzoru motatan hazten da, hostogalkorretan, koniferoetan, belarretan, baita parke eta lorategietan ere.
Banaketa eremua aldatu
Kanada, Ameriketako Estatu Batuak, Alaska, Mexiko, Islandia, Svalbard, Europa, Errusia, Kaukasia, Iran, Japonia, Australia, Zeelanda Berria.[5]
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 234 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 225 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Inocybe rimosa: GBIF—the Global Biodiversity Information Facility.
Kanpo estekak aldatu
Datuak: Q1737818
Multimedia: Inocybe rimosa / Q1737818
