Esther Ciganda
Esther Ciganda Zozaya[1][2] (Moses Lake, 1974ko urtarrilaren 10a) euskal estatubatuar irakasle, enpresaburu, euskararen sustatzaile eta podcast ostalaria da.
| Esther Ciganda | |
|---|---|
| Bizitza | |
| Jaiotza | Moses Lake (Washington), 1974ko urtarrilaren 10a (50 urte) |
| Herrialdea |  Ameriketako Estatu Batuak |
| Bizilekua | Moses Lake (Washington) Boise Hendaia |
| Talde etnikoa | eusko-estatubatuarra |
| Lehen hizkuntza | ingelesa gaztelania |
| Hezkuntza | |
| Heziketa | Washington State University (en)  Grand Canyon University (en) |
| Hizkuntzak | ingelesa gaztelania euskara frantsesa |
| Jarduerak | |
| Jarduerak | irakaslea, enpresaburua, language activist (en) eta podcaster (en) |
| basqueinlanguages.com | |
      | |
Bizitza aldatu
Pedro Ciganda eta Alicia Zozaya nafar emigranteen alaba, Moses Laken (Washington estatua) jaio zen[3][4][5]. Umea zela, gaztelaniaz hitz egiten zuen etxean eta ingelesez eskolan, baina euskaraz ere ikasteko gogoa zuen[4], eta 1997 inguruan bere kabuz ikasten hasi zen[6].
1992tik 1998ra Washingtongo Unibertsitatean ikasi zuen[7] eta 2001ean hezkuntzako masterra egin zuen Grand Canyon unibertsitatean[7]. 16 urtez batxilergoko irakaslea izan zen AEBetan, non biologia, kimika, osasuna, zientzia fisikoak, gaztelania eta beste hainbat ikasgai irakatsi zituen[4].
2007an Boisera joan zen bizitzera, eta han euskara modu sakonagoan ikasi zuen eta euskal pilotan hasi zen. Hainbat aldiz oporrak eman zituen Euskal Herrian. 2014an, 40 urte bete zituela, Euskal Herrira joan zen, eta bertan Hendaian hasi zen bizitzen eta Hego Euskal Herrian lanean, ingelesa irakasten. 2015ean Ipar Amerikako Euskal Elkarteak euskara irakastea eskaini zion[4]. 2020an Basque in Languages enpresa sortu zuen ingeles hiztunei euskara irakasteko[7].
2022an makroadenoma hipofisarioa (garuneko tumorea) diagnostikatu zioten[8], eta The Brain Tumor Chronicles podcasta grabatu zuen[9]. Horrez gain, The Immigrant All Around eta Teach Launch Create podcasten egilea da[3][10].
Sariak eta omenaldiak aldatu
Podcastak aldatu
Erreferentziak aldatu
- ↑ (Gaztelaniaz) «Esther Ciganda Zozaya» Emprendedores Más y Mejor (Noiz kontsultatua: 2024-04-28).
- ↑ (Ingelesez) Smithsonian Folklife Festival records: 2016 Smithsonian Folklife Festival. Washington: Smithsonian Center for Folklife and Cultural Heritage (argitaratze data: 2017), 26 or. (Noiz kontsultatua: 2024-04-28).
- ↑ a b c (Ingelesez) «The Immigrant All Around» Spreaker (Noiz kontsultatua: 2024-04-28).
- ↑ a b c d e (Ingelesez) «What are you waiting for? An interview with Esther Ciganda» Buber 2020-09-28 (Noiz kontsultatua: 2024-04-28).
- ↑ (Ingelesez) «Esther Ciganda: Class of 1992» Classmates (Noiz kontsultatua: 2024-04-28).
- ↑ (Ingelesez) Ciganda, Esther. «How to Listen to Basque Daily» Medium 2022-03-19 (Noiz kontsultatua: 2024-04-28).
- ↑ a b c (Ingelesez) «Esther Ciganda Zozaya» LinkedIn (Noiz kontsultatua: 2204-04-28).
- ↑ (Ingelesez) Ciganda, Esther. «The 1 Life Event I’m Still Trying to Understand» Typeshare 2022-04-30 (Noiz kontsultatua: 2024-04-28).
- ↑ a b (Ingelesez) «The Brain Tumor Chronicles» Spreaker (Noiz kontsultatua: 2024-04-28).
- ↑ a b (Ingelesez) «Teach Launch Create» Spreaker (Noiz kontsultatua: 2024-04-28).
Kanpo estekak aldatu
Datuak: Q125678711
