Amaraun sare

Amaraun sarea edo amaraun topologiako sarea sare topologia mota bat da. Bertan, adabegi bakoitza adabegi bati edo gehiagoei zuzenean konektatuta dago. Honela adabegi batetik beste adabegi batera mezua garraiatzeko ibilbide desberdinak daude. Amaraun sare batean estazioek erabat konektatuta egongo balira komunikazioan ez litzateke etenik egongo. Adabegi nagusiek (zerbitzariak) beste zerbitzariekin bere konexioak dituzte.

Amaraun topologiako sarea

Funtzionamendua

Amaraun sareko topologian estazioak bata bestearekin konektatuta daude bide batetik edo bestetik, gainerako sare topologiek ez bezala. Amaraun sarean ibilbide desberdinak daude helburura heltzeko. Ezaugarri honek bide erredundanteak ahalbidetzen ditu. Beraz bide bat hondatzen bada beste batetik bideratuko da datu-trafikoa.

Topologia honek ez du behar sareko estazio nagusirik edo zerbitzaririk. Estazio bateren hutsegiteak ez dakar sarea hondatzea.

Amaraun sareak berez leheneratzen dira. Konexio batek edo nodo batek huts egin arren sarea funtzionatzen jarraitzen du, eroritako lekutik komunikazioa igarotzea saihesten delako. Ondorioz amaraun sarea fidagarri bihurtzen da.

Kableri handia behar delako sare garestiak bilakatzen dira. Wireless sareak amaraun sarea osatzen dute kablearen kosturik gabe, kableatutako sareen aurrean abantaila delarik.

Amaraun topologia eta beste topologia bat uztartzean topologia hibridoa eratzen da. Hedapen zabaleko sareek amaraun topologia dute, Internet esaterako.

Abantailak

• Fidagarritasuna
• Segurtasuna
• Egonkortasuna
• Berez leheneratzen da

Desabantailak

• Garestia (klabeak erabiliz gero)
• Nodo bakoitzak kable gehiago dakar

Ikus, gainera

• IEEE 802.1aq
• Sare topologia
• Izar sare
• Zuhaitz sare
• Eraztun sare
• Bus sare

Kanpo estekak

• Telekomunikazio Hiztegia

• Datuak: Q25552104
• Multimedia: Mesh network / Q25552104