Aldeketan
Aldeketan korroan jolasteko haur-jolasa da. Juan Garmendia Larrañaga etnografoak Berastegin, Gipuzkoan, jaso zuen jokoaren inguruko informazioa.
Arauak aldatu
Haur-jolas honetan parte-hartzaileak lasterka abiatzen dira aulkian, harrian edo Zuhaitzean... esertzera eta bitartean hau diote: "Aldaketan azkena jartzen dena". Toki egokia aurkitzen ez duena zaintzaile modura gelditzen da eta horren eginbeharra lagunetakoren bat tokiz aldatzen denean ezkuaz ukitzea da. Jokoan ari direnak behartuta daude maiz samar tokiz aldatzera, eta batetik besterako lasterraldian harrapatutakoa izaten da hurrengo harrapatzailea. Halaxe jarraitzen du nekatu edo aspertu arte. [1]
Erreferentziak aldatu
- ↑ Juan Garmendia Larrañaga - Xabier Mendiguren Bereziartu: Juan Garmendia Larrañagaren hiztegi etnografikoa. Donostia: Ikastolen Elkartea, 2003. 23.or.