A Star Is Born (2018ko filma)
A Star Is Born (euskaraz Izar bat jaio da) 2018ko Bradley Cooper estatubatuarrak zuzendutako amodiozko musikal film bat da. Bradley Cooper aktorearen lehen filma izan zen zinema zuzendari bezala. 1937ko izenburu berdineko filmean oinarritua dago, jatorrizko filmaren hirugarren berregokitzapena delarik 1954ko filmaren eta 1976ko filmaren ondoren. Cooper beraz gain, Lady Gaga, Andrew Dice Clay, Dave Chappelle eta Sam Elliott aktoreek antzeztu zuten.
Veneziako Mostran estreinatu zen 2018ko abuztuaren 31an.[1]
Argumentua aldatu
Jackson Maine gainbehera doan country musika izarra da. Musikari eskarmentudun honek estualdian dagoen artista bat, Ally, ezagutuko du, eta harekin maiteminduko da. Neskak oraindik orain alboratu ditu abeslari arrakastatsu bihurtzeko ametsak, Jacksonek jendaurrean agertzeko konbentzitzen duen arte. Baina Allyren karrerak abiada hartu ahala, behea joko du haien arteko harremanaren alderdi pertsonalak, Jackson bere baitako deabruekin borrokatu bitartean.[2]
Aktoreak aldatu
- Bradley Cooper: Jackson Maine
- Lady Gaga: Ally
- Sam Elliott: Bobby, Jacksonen anai nagusia eta managerra
- Dave Chappelle: Noodles, Jacksonen lagun hurkoa
- Andrew Dice Clay: Lorenzo, Allyren aita
- Anthony Ramos: Ramon, Allyren laguna
- Michael Harney: Wolfe, Jacksonen limusina gidaria
- Rafi Gavron: Rez, musika ekoizlea eta Allyren managerra
Horrez gain, Rebecca Field Gail bezala azaltzen da, Shangela Laquifa Wadley drag tabernako zeremonia-maisu bezala, Willam Belli Emerald drag queena bezala, Greg Gunberg Jacksonen gidari Phil bezala, eta Ron Rifkin Carl bezala. Lukas Nelson & Promise of the Real taldea Jacksonen talde bezala azaltzen da, Eddie Griffin apaiz bat bezala, eta Luenell kutxazain bat bezala. Marlon Williams, Brandi Carlile, Halsey, Alec Baldwin eta Don Roy King-ek cameoa egiten dute bere burua antzeztuz.
Erreferentziak aldatu
Kanpo estekak aldatu
- Webgune ofiziala (Ingelesez)
- IMDBko fitxa irakurgai (Ingelesez)