Arte zuzendaritza
Arte zuzendaritza ikus-entzunezko departamentu bat da. Landu egiten ditu ikus-entzunezko eduki estetikoak, hala nola, lokalizazioak, kolore paleta, jantziak, dekoratuak, argiak, makillajea eta beste hainbat gauza. Erabaki artistiko guztiak bere menpe daude, garrantzi asko ematen dio alde bisualari. Departamentu honen buruzagia arte zuzendaria da eta gidoilari, argazki zuzendari eta produktorearekin batera lan egiten du. Arte zuzendariak gauzak hitzen bidez adierazi ordez, irudien bidez edo objektuen bidez adierazten ditu. Sail honetan lan egiten duen pertsona, sormen maila handikoa da.
Artearen historia testuinguruan eta artelanetan oinarritu egiten da proiektu asko aurrera ateratzeko. Paleta koloreen lanketa eta argiztapena kontuan izan behar dituen beste ezaugarri batzuk dira. Horretarako koloreen psikologian aditua izan behar da.
Gidoia prest dagoenean, arte zuzendaria gidoilariarekin batera, gidoia irakurtzen du. Gidoia irakurri ondoren, arte zuzendariaren zeregina zera da; ikus-entzunezko pieza kontatzen duen istorioa errealitatera egokitzea. Hau egiteko lokalizazioak bilatu behar dira, set desberdinak diseinatu edo kolore paleta desberdinak landu argazki zuzendariarekin batera. Gidoia adierazten duen ideia, estetikoki interpretatzen jakitea eskatzen du arte zuzendaritza, ikus-entzunezko piezaren atmosfera irudikatzen du.
Ikus-entzunezko departamentua den moduan, publizitatean baita ere badaude arte zuzendariak, hauek berdina egiten dute, iragarkiaren alde estetikoa landu.
Lehen Oscar Sarietan arte zuzendari hoberenaren saria zegoen. 2012. urtean sariari izena aldatu zioten eta handik aurrera "produkzio diseinu onenaren" moduan saritu egiten dute.
Datuak: Q706364
Multimedia: Art directors / Q706364
