Zuria Nafarroakoa (1177-1229)

Zuria Nafarroakoa[1] (11771229ko martxoaren 13a) Nafarroako infanta eta Xanpainako kondesa ezkontidea (11991201) izan zen.

Zuria Nafarroakoa (1177-1229)
Blanca of Navarra (1177-1229).jpg
erregeorde

Bizitza
Izen osoa Zuria Nafarroakoa, Blanca de Navarra
Jaiotza Nafarroa, 1177 (egutegi gregorianoa)
Heriotza 1229ko martxoaren 13a (51/52 urte)
Familia
Aita Antso VI.a Nafarroakoa
Ama Antsa Gaztelakoa
Ezkontidea(k) Tibalt III.a Xanpainakoa
Seme-alabak
Anai-arrebak
Leinua Semeno leinua
Jarduerak
Jarduerak politikaria
Sinesmenak eta ideologia
Erlijioa katolizismoa

BiografiaAldatu

Aita Antso VI.a Nafarroakoa, ama Antsa Gaztelakoa eta neba Antso VII.a Nafarroakoa zituen.

1199ko uztailaren 1ean Tibalt III.a Xanpainakoa eta seme bakarra izan zuten Tibalt I.a Nafarroakoa (12011253), Xanpainako konde eta Nafarroako erregea izango zena.

1201ean senarra hil zitzaionean, Zuriak semearen izenean gobernatu zuen konderria. Arazo asko izan zituen: bere senarraren aurrekoa zen Henrike II.a Xanpainiakoak zor handia utzi zuen eta honen alaba Filipak, Erard Briennekoa bere senarraren laguntzarekin, semearen legezkotasuna kolokan jarri zuen. 1215ean Briennekoek konderria konkistatzeko gerra hasi zuten, 1222ra arte iraun zuena.

Tirabirak bukatzeko Zuriak dirutza ordaindu zien Briennekoei. Bere iloba zen Alizia 1230ean Zipreko erregea ezkondu eta Zuriak ezkonsaria ordaintzeko Blois, Sancerre eta Chateaudungo konderriak Frantziako erregeari saldu behar zizkion.

Antso VII.a Nafarroakoa Navas de Tolosako gudua eta gero, ezkonduta egon arren ez zuen seme-alabarik eta komentu batera joan zen. Zuria Nafarroako erregeorde bihurtu zen. Berengaria Nafarroakoa bere alaba zaharra hiltzean, Nafarroako Gorteek, frankoen eta Nabarreriako alderdien artean banatuak, haren semea hautatu zuten oinordeko.

1229ko martxoaren 13an hil zen, bere semea errege bihurtu baino bost urte lehenago.

ErreferentziakAldatu