Zorionak zuri

Zorionak zuri urtebetetze ospakizunean abestu ohi den abesti herrikoia da, ingelesezko Happy birthday to you abestiaren euskarazko bertsioa.

Zorionak zuri
Jatorria
Argitaratze-data	1935
Izenburua	Happy Birthday to You
Jatorrizko herrialdea	Ameriketako Estatu Batuak
Honen izena darama	Urtebetetze
Ezaugarriak
Genero artistikoa	haur kanta
Hizkuntza	ingelesa
Egile-eskubideak	jabetza publiko, jabetza publiko eta jabetza publiko
Deskribapena
Oinarritua	Good Morning To All (en)
Hitzak	ezezaguna
Bestelako lanak
Musikagilea	Mildred J. Hill (en) Patty Hill (en)
Argumentu nagusia	Urtebetetzea

Zorionak zuri abestia sarritan zorioneko tarta bat urtebetze festako mahaira eraman eta urteak betetzen dituen pertsonak tarta honetako kandelei putz egin baino lehenagotik abestu ohi da.

Ingelesezko abestien artean ospetsuena da Happy birthday to you (halaxe dago jasota Errekorren Guinness Liburuan), hizkuntza askotara itzulia izan da, eta ingeles hiztunak ez diren herrialdeetan ere jatorrizko ingeles hitzekin abesten da askotan. Jatorrizko abestia 1893an Patty Hill eta Mildred Hill estatubatuar ahizpek sortu eta idatzi zuten. Biak lanbidez irakasle zirenez, abestia ikasleek ikasgelan agurra egin ziezaieten sortu zuten. Jatorrizko izenburua Good morning to all («Egun on denoi») izan zen.

Abestia domeinu publikoan dago Ameriketako Estatu Batuetan eta Europar Batasunan. Warner Chappell Music saiatu zen lizentzia zuela aldarrikatzen, baina 2015ean egindako epaiketa batean ez zieten arrazoia eman eta 14 milioi dolar itzuli behar izan zituen.

Hitzak

Neskatotxoa, bere urtebetetze tartaren aurrean.

Euskarazko bertsioa

Zorionak zuri,

zorionak beti,

zorionak, Edurne,*

zorionak beti.

*Urteak egin dituen pertsonaren izena

Ingelesezko bertsioa

Ezagunena: Happy Birthday

Happy Birthday to You,

Happy Birthday to You,

Happy Birthday, Mr. President,*

Happy Birthday to You.

*Urteak egin dituen pertsonaren izena

Jatorrizkoa: Good Morning to All

Good morning to you,

Good morning to you,

Good morning, dear children,

Good morning to all.

Aldaerak

1934an jaiotako Peter Heidrich alemaniar konposatzaileak Zorionak zuriren aldaerak izenburuarekin sokazko laukoterako egokitzapen bat sortu zuen, osagai hauek nahasita: Bach, Haydn, Wolfgang Amadeus Mozart, Beethoven, Schumann, Brahms, Wagner, Antonín Dvořák eta Max Reger musikarien musika, Vienako musika, Hollywoodeko musika, jazza, tangoa eta hungariar musika.

Ikus, gainera

• Zorionak, Kaxiano lizartzar musikariaren abestia.

Kanpo estekak

• Datuak: Q167545
• Multimedia: Happy Birthday to You / Q167545