Ziguatera
Ziguatera janari-intoxikazio mota bat da, zenbait biotoxina dauzkaten koral uharrietako arrainak kontsumitzeagatik sortzen dena.[1] Beherakoa, goragalea, oka, azkura, espasmoak, mialgia, parestesia, arnasestua, takikardia, hotz eta bero sentipenen alderantzikatzea eta hipotentsioa dira sintomarik ohikoenak.[2] Sintoma neurologiko batzuek hilabeteak iraun ditzakete.
Ohar medikoa
| Ziguatera | |
|---|---|
 | |
| Deskribapena | |
| Mota | seafood poisoning (en)  |
| Espezialitatea | Toxikologia |
| Arrazoia(k) | ziguatoxina |
| Sintoma(k) | Gastroenteritisa, nahasmendu neurologikoa gaixotasun kardiobaskularra |
| Identifikatzaileak | |
| GNS-10 | T61.0 |
| GNS-9 | 988.0 |
| DiseasesDB | 31122 |
| MedlinePlus | 002851 |
| eMedicine | 002851 |
| MeSH | D036841 |
Ziguatoxina eta maitotoxina dira ziguatera eragiten duten toxinak, eta koral uharrietako dinoflagelatu espezie batzuek ekoizten dituzte. Dinoflagelatu horietaz elikatzen diren arrainen erraietan metatzen dira, eta kontzentratuz joaten dira kate trofikoan zehar; besteak beste, meroan, txitxarro arruntean, txelba arruntean, lehoi arrainean, berdel erraldoian eta barrakudan izan daitezke toxina kontzentrazio handiak. Arrain horiek jan ezkero, intoxikazioa gertatzen da.[3]
Erreferentziak aldatu
- ↑ Arrisku emergentea: ziguatera. elikagaiensegurtasuna.elika.eus (Noiz kontsultatua: 2020-12-28).
- ↑ Pearn, J.. Neurology of ciguatera. Journal of Neurology, Neurosurgery & Psychiatry 2001; 70:4-8, jnnp.bmj.com (Noiz kontsultatua: 2020-12-28).
- ↑ Ziguatera intoxikazioaren arriskua murrizteko neurriak – FDA 2013. FDA, 2013ko apirilak 3, elikagaiensegurtasuna.elika.eus (Noiz kontsultatua: 2020-12-28).
Kanpo estekak aldatu
Datuak: Q181831
