Ziehl-Neelsen tindaketa

Mycobacterium generoko bakterioek azidoen eta alkoholen aurrean duten erresistentzia baliatuz, horiek detektatzeko erabiltzen den tindatze-prozedura

Ziehl-Neelsen tindaketa Mycobacterium generoko bakterioak mikroskopio optikoan ikusteko erabiltzen den tindaketa berezia da, Ziehl eta Neelsen mediku alemaniarrek XIX. mendearen amaieran asmatu zutena.

Mycobacterium tuberculosis mikroskopioan, Ziehl-Neelsen tindaketa erabili ostean.

Bakterioak ikusteko eta sailkatzeko gehien erabiltzen den prozedura Gram tindaketa da. Bakterio batzuek, ordea, zelula horma berezia dute, lipido asko dituena. Mycobacterium-ek, esaterako, azido mikolikoak eta argizariak dauzka, eta Gram tindaketarekin ez da tindatzen, hormaren lipidoek oztopatzen dutelako koloratzaileen sarrera. Zelula horma berezi horrek berezko ezaugarria dauka, aldiz: ez da destindatzen azido eta alkoholaren aurrean, gainontzeko bakterioengan gertatzen den bezala. Alegia, Mycobacterium azido-alholekiko erresistentea da. Ezaugarri berezi honetan oinarritzen da Ziehl-Neelsen tindaketa.

Prozedura

aldatu

Tindaketa egiteko fuksina koloratzailea erabiltzen da, bakterioaren zitoplasman sartzen dena prestakina berotuz. Gero, azido-alhohol nahaste bat erabiltzen da destindatzeko, baina fuksina zelula hormari atxikitzen zaio, destindaketa ezinezkoa izanik Mycobacterium bezalako bakterioengan. Mycobacterium-ek, beraz, fuksinaren kolorea mantentzen du (gorria), eta azido-alkoholari erresistenteak ez diren bakterioek geroago erabiltzen den koloratzailearen (metileno-urdinaren) kolorea hartzen dute (urdina).

Tindaketaren urratsak hauek dira:

  • porta gainean dagoen lagin lehorrari fenola duen fuksina gehitu
  • utzi minutu bat
  • irakite-punturaino berotu, poliki, 2 edo 3 minututan, koloratzailea zeluletan sar dadin
  • urez garbitu
  • azido-alkohol nahastea erabili, prestakina destindatzeko
  • ura gehitu berriz garbitzeko
  • urez garbitu, lehortu eta behatu mikroskopioan.

Mikrobio azido-erresistenteak gorriz ikusiko dira, eta erresistentzia hori ez dutenak, aldiz, urdinez.

Kanpo estekak

aldatu