Zhakozhaj katalogoa gure eguzki-sistematik gehienez ere 10 parseceko distantziara dauden izarren katalogo bat da. 1979 eta 1996 artean Ukrainako Vestnik Khar'kovskogo Unibertsitateko V. A. Zhakozhajek garatua, katalogoan 0,100 arku segundukoak baino handiagoak diren paralaje trigonometriko, fotometriko eta espektralak dituzten izarrak agertzen dira. Izar anizkoitzeko sistema bisualetako izarren, sistema bitar espektroskopikoko izarren eta 0,08 eguzki masa baino gehiago duten izar ikustezinen datuak ditu. Izarren ezaugarri nagusiak aurkezten dira, posizioa, mugimendu propioa, abiadura erradiala, paralajea eta datu fotometrikoak kasu, baita erradio eta masaren datuak ere. Katalogoa %70ean dago osatua.

Nomenklatura aldatu

Katalogoko sarrerak Zkh NNN bezala agertzen dira (NNN 1 eta 356 arteko zenbaki bat delarik), Zkh 1 gure Eguzkiari dagokiolarik. Jarraian ikus daitekeen taulan izar ezagun batzuen Zhakozhaj katalogoko zenbakia ikus daiteke:

Zkh katalogoko zenbakia Izen arrunta Konstelazioa Distantzia
(Argi-urteak)
Ezaugarri aipagarriak
Zkh 211 Proxima Centauri Centauro 4,22 Gure eguzkitik gertuen dagoen izarra
Zkh 169 Ross 128 Virgo 10,92 nano gorria eta izar ñirñirkaria, bere konstelazioko izarren artean gugandik hurbilen dagoena
Zkh 18 Van Maanenen izarra Piscis 14,1 Gure eguzki-sistematik gertuen dagoen nano zuria
Zkh 150 Gliese 412 A Hartz Nagusia 15,76 Elkarrengandik 140 unitate astronomikoko distantziara dauden bi nano gorrik osatutako izar bitarra
Zkh 151 Gliese 412 B
Zkh 173 Groombridge 1830 Hartz Nagusia 29,7 Azpinano horia eta halo galaktikoko izarra

Ikus, gainera aldatu

Kanpo estekak aldatu