Ireki menu nagusia

Yves Lacoste (Fez, Maroko, 1929ko irailaren 7a) frantses geografoa da. 1952an egin zen katedradun, eta Pierre Georges eta Jean Dresch geografo marxisten babespean hasi zuen unibertsitateko ibilbidea. 1965ean, Azpigarapenaren geografia liburua argitaratu zuen. Ekonomia- eta gizarte-arloetan egindako ikerketa eta gogoetak politika-alorrera hedatu ziren 70eko hamarkadan, Yves Lacoste Vincenneseko Unibertsitateko Geografia Sailaz arduratu zenean. 1976an, Geografiak, beste ezertarako baino lehen, gerra egiteko balio du liburua idatzi zuen. Urte horretan bertan, Hérodote geografia-aldizkaria sortu zuen, eta Hirugarren Munduari buruzko tesien eta Frantziako nahiz mundu osoko gatazka politiko korapilatsuen adierazpengune bilakatu zen. Lacosteren arabera, geografia politikoak interesen arteko liskar gisa ikertu eta azaldu ohi ditu munduko gatazkak, baita herrialde bateko desberdintasun etniko eta konfesionalak ere. Frantziako herrialdeen geopolitikak (1986) eta Geopolitika-hiztegia (1993) obrak zuzentzeaz gainera, lan horien idazte-lanetan ere parte hartu du Lacostek. 2010ean, La question post-coloniale : une analyse géopolitique eta Yves Lacoste. La géopolitique et le géographe. Entretiens avec Pascal Lorot lanak argitaratu zituen.

Yves Lacoste
Yves Lacoste.jpg
Bizitza
Jaiotza Fez1929ko irailaren 7a (90 urte)
Herrialdea  Frantzia
Familia
Ezkontidea(k) Camille Lacoste-Dujardin Itzuli
Hezkuntza
Heziketa Parisko Unibertsitatea
Lycée Lakanal Itzuli
Doktorego ikaslea(k) Frédéric Encel Itzuli
Béatrice Giblin Itzuli
François Lafargue Itzuli
Pierre Picquart Itzuli
Hizkuntzak frantsesa
Jarduerak
Jarduerak geografoa eta unibertsitateko irakaslea
Jasotako sariak
Zerbitzu militarra
Parte hartutako gatazkak Aljeriako Independentzia Gerra
Sinesmenak eta ideologia
Alderdi politikoa Frantziako Alderdi Komunista

ErreferentziakAldatu