Youssou N'Dour

Youssou N'Dour (Dakar, 1959ko urriaren 1a) senegaldar abeslaria da.

Youssou N'Dour
Irudi gehiago
UNICEFen borondate oneko enbaxadorea
Bizitza
Jaiotza	Dakar, 1959ko urriaren 1a (64 urte)
Herrialdea	Senegal
Familia
Anai-arrebak	ikusi Bouba Ndour (en)
Hezkuntza
Hizkuntzak	ingelesa frantsesa
Jarduerak
Jarduerak	politikaria, egile abeslaria eta abeslaria
Parte-hartzailea World Economic Forum Annual Meeting 2004 (en)
Jasotako sariak	ikusi Prince Claus Award  (2002) Polar Music Prize  (2013) Praemium Imperiale  (2017) Grammy Award for Best Contemporary World Music Album  (2005) : Egypt (en) La Mar de Músicas  (2022)
Kidetza	Star Band (en) Super Étoile (en)
Genero artistikoa	Mbalaxa afrobeata
Musika instrumentua	ahotsa
Diskoetxea	Sony Music
Sinesmenak eta ideologia
Erlijioa	islama

Biografia

Amak Senegalgo musika tradizionala jotzen eta kantatzen zuen. Berak erakutsi zizkion wolof musikaren oinarriak. Hamabost urte zituela, Youssou Super Diamono taldearekin hasi zen Afrikan zehar kantuan. Hurrengo urtean Star Band musika-taldeko zuzendaria izan zen. 1981ean Super Étoile de Dakar taldea sortu zuen, eta Europan zehar ibili zen Senegalgo erritmo tradizionalaren (mbalax) bertsio modernoak interpretatzen. Parisen Immigrés eta Nelson Mandela diskoak grabatu zituen. Disko horiek Peter Gabrielen gustukoak izan ziren, eta 1987an elkarrekin ibili ziren Europan, Japonian eta Estatu Batuetan hainbat musika-jaialdi eskaintzen; Peter Gabrielen So diskoan parte hartu zuen. Paul Simonen Gracelanden (1986) ere kantatu zuen, eta Nelson Mandelaren hirurogeita hamargarren urtebetetzeko kontzertuan (Londres, 1988) parte hartu zuen. 1989an Amnesty Internationalen aldeko hainbat kontzertu eman zituen. 1989an The Lion grabatu zuen, zati bat ingelesez, eta bestea wolofera z, mendebaldeko pop-musikako tresnak Senegalgo folkloreko tresnekin (tama danborrarekin) elkartuz. Bere kantarik arrakastatsuena, Neneh Cherryrekin kantatzen duen Seven Seconds abestia, Wommat (1994) diskoan du. 2005. urtean, Grammy sari bat irabazi zuen Egypt lanagatik.

Diskografia

Estudioan egindako diskoak

• Bitim Rew (1984)
• Nelson Mandela (1986)
• Immigrés (1988)
• The Lion (1989)
• Set (1990)
• Eyes Open (1992)
• Guide (Wommat) (1994)
• Djamil (1996)
• Inedits 84-85 (1997)
• Special Fin D'annee Plus (1999)
• Lii (2000)
• Joko: The Link (2000)
• Rewmi (2000)
• Le Grand Bal (2000)
• St. Louis (2000)
• Le Grand Bal a Bercy (2001)
• Ba Tay (2002)
• Nothing's In Vain (2002)
• Youssou N'Dour and His Friends (2002)
• Kirikou (2004)
• Egypt (2004)
• Rokku mi Rokka (2007)
• Alsaama day (2007)
• Dakar - Kingston (2010)

Bildumak

• The Best of Youssou N'Dour (1995)
• Immigrés/Bitim Rew (1997)
• Best of the 80's (1998)
• Hey You: The Essential Collection 1988–1990 (1998)
• Birth of a Star (2001)
• Rough Guide to Youssou N'Dour & Etoile de Dakar (2002)
• 7 Seconds: The Best of Youssou N'Dour (2004)

Erreferentziak

Wikimedia Commonsen badira fitxategi gehiago, gai hau dutenak: Youssou N'Dour

• Datuak: Q210734
• Multimedia: Youssou N'Dour / Q210734