William Quan Judge
William Quan Judge (Dublin, Irlanda, 1851ko apirilaren 13a - New York, 1896ko martxoaren 21a) irlandar abokatua izan zen. Elkarte Teosofikoaren hiru sortzaile nagusietako bat izan zen.
| William Quan Judge | |
|---|---|
 | |
| Bizitza | |
| Jaiotza | Dublin, 1851ko apirilaren 13a |
| Herrialdea |  Ameriketako Estatu Batuak  Britainia Handia eta Irlandako Erresuma Batua |
| Heriotza | New York, 1896ko martxoaren 21a (44 urte) |
| Hezkuntza | |
| Hizkuntzak | ingelesa |
| Jarduerak | |
| Jarduerak | idazlea eta abokatua |
| Sinesmenak eta ideologia | |
| Erlijioa | Teosofia |
Bizitza aldatu
Bere gurasoak Frederick H. Judge eta Alice Merry Quan izan ziren. New Yorken lehorreratu zen 1864ko uztailaren 14an.
Okultismoa eta espiritismoa aztertzeko gogoz, Judgek Estatu Batuetara bidaiatu zuen, eta han Helena Blavatsky bere lagun handia eta irakaslea eta Henry Olcott ezagutu zituen. 1875ean New Yorkeko Elkarte Teosofikoaren sorreran parte hartu zuen eta bertako sekzio nazionaleko presidentea izan zen 1886tik hil arte. Helena Blavatsky hil ondoren gogor eraso egin zioten Mahatmen irakaspenei leial egoteagatik eta Annie Besant Teosofia-elkarteko bere burua lider aldarrikatu berriari aurre egiteagatik, jadanik Besantek Adyarreko Brahman teosofoen eta Olcott koronelaren beraren sinpatia irabazi zuenean.
1895ean Teosofia-elkartearen Urteko Biltzarrak bere kausa onartu zuen eta Ipar Amerikan atal independente bat sortzeko baimena eman zitzaion, eta presidente bihurtu zen.
Urte horietan eta hil zen arte, Judge Mahatmengandik jasotzen jarraitu zuen argibideak idazten jarraitu zuen, berak David Lloyd ezizenarekin sinatu zituen idatziak eta urte batzuk geroago Guy Ballard-ek erabiliko zituen "Aktibitatea Ni Naiz" mugimendua sortzeko. Blavatsky hil zenean, 1891an, Judgek gatazkak izan zituen Olcott eta Besantekin, mahtamen jatorrizko irakaspenetatik aldentzen ari zirela uste baitzuen. Ondorioz, Olcott eta Besant-ekin elkartea amaitu zuen 1895ean eta Teosofia-elkarteko Amerikako Ataleko gehienekin banandu zen. Besanten jarraitzaileek eraso egin bazioten ere, erakunde berria zuzendu ahal izan zuen heriotzara arte, urtebete geroago New Yorken gertatu zena, eta Katherine Tingleyk hartu zuen ardura. Elkarte Teosofiko horrek Pasadenan (Kalifornia) sortu zuen Nazioarteko Egoitza Nagusia.
Datuak: Q548776
Multimedia: William Quan Judge / Q548776
