Wikiproiektu:UliakoLorebaratzak
Wikiproiektu honen helburua Euskal Wikipedian artikuluak sortzea edo aberastea izan da, Uliako Mintegietako parkean dauden landare eta zuhaitz bitxi guztientzako artikuluak euskaraz sortu ditugu, hain zuzen ere.
2015-11-27 Hasiera aldatu
2015eko azaroaren 27an abiatu zen proiektua. Ordurako sortuta genuen parkeko mapa interaktibo bat, mapako landare batean klik eginez gero bere deskribapen labur bat erakusten da. Astirik baduzu aproba egin hemen: Uliako Mintegietako parkeko zuhaitz-inbentarioa Informazio zehatzagorik lortzeko begiratu Uliako Auzo-Elkarteko blogean: Uliako mintegietako zuhaitzen mapa
2015eko azaro hartan parkean dauden zuhaitzen lista jarri genuen. asko falta ziren Euskal Wikipedian. Horixe izan bota genuen erronka:
- "Lagunduko diguzu, mesedez?"
- "Ezetz artikulu guzti horiek euskaraz sortu edo txukundu urte berrirako!"
- "Edo gutxienez... udaberrirako, parkea bere ederrean bete-betean egongo denerako."
2016-04-05 Parkeko zuhaitz (eta txori) guztiak Euskal Wikipedian sartuta aldatu
Azkenean 2016ko apirilean bukatu genuen zuhaitz guztien euskarazko artikuluak osatzen. Ederto!
Ondoren maiatzean parkeko zuhaitzen taula ere osatu dugu baina kasu honetan txori-mota guztiak (32) definituta zeuden Euskal Wikipedian. Ez dugu ezer gehitu behar izan. Ederto!
Pozik geunden, gure lanari esker Uliako Mintegietako parkean dauden zuhaitzak eta txori guztiak Wikipedian ikus daitezke orain. Gainera, Donostian, Euskal Herrian eta mundu osoan dauden parke guztietan ere erabili ahal izango da sartu genuen informazioa :-)
2016-05-28 Wikimaratoia (argazkiak, QRak, eta hizkuntzak (eu, en, es, fr) aldatu
Geroago, 2016ko maiatzaren 28an, UliakoLoreBaratzak Wikimaratoia antolatu genuen,[1] Uliako mintegietako parkean bertan. Hizlari eta dinamizatzaileak Aitzol Astigarraga, Xabier Cañas, Kepa Sarasola, Angel Etxeberria eta Bea Barinaga izan ziren. Egun horretako lanak hauek izan ziren:
- Parkeko zuhaitzetan egurrezko QRak jarri genituen. QRpedia erabili da QR bakoitza lortzeko, eta egurrean inprimatu Donostia2016 taldeko laguntzarekin. QR kodea telefonoarekin irakurrita bisitariak bere hizkuntzako Wikipedian ikus dezake landarearen izena eta deskribapena. Proba egizu euskaraz italieraz edo ingelesez ikusten, adibidez. Zelako aukera! Hau da hau asmakizuna!
 |
Wikimedia Commonsen badira fitxategi gehiago, gai hau dutenak: UliakoLorebaratzak |
- Parkeko hainbat zuhaitzen argazkiak Wikipediara igo eta Uliako Mintegietako Parkea artikuluan jarri.
- Uliako Mintegietako parkea artikulua frantsesez (Parc_Lore-Baratzak) eta ingelesez (Park_of_Nurseries_of_Ulia) jartzen hasi ginen.
- Donostiapedia proiektuaren barruan parkean edo Ulian gehitu daitezkeen artikulu berriak proposatu genituen.
2017-03-25 Wikiliburua (lehen bertsioa) aldatu
Gainera, egindako ahalegin handi horrek sari ederra jaso zuen 2017ko martxoaren 25ean: Wikipediako 81 artikulu guzti horiek modu erraz batean 330 orrialdeko liburu bihurtu genituen eta denon eskura dago. Ikusi, ikusi liburua Pediapress-en orrian: Uliako Mintegietako parkea: Ezkutuko altxorra hirian bertan [2]
Liburuko azalean Erregetxo txoria jarri dugu (asfalto gainean). SEO-BIrds-Donostiako elkartekoek horrela esaten baitigute: “Aipagarria da Erregetxo bekainzuria, guretzat parkeko enblematzat, parkeko ikurtzat hartu beharko zena; bera txikia, bitxia eta geldiezina baita, Uliako Mintegi/Lorategia den bezalakoxea.” Baina hutsunerik nabaritzen baduzu… zuzendu edo osatu Wikipediako artikulu horiek. Eta horrela, geroago, liburuaren bertsio berri hobe bat egin ahal izango dugu! Aupa!
2018-01-05 Wikiliburuaren 2. bertsio osatua aldatu
Bederatzi hilabete geroago eta 10 bat artikulu berrirekin bigarren bertsio bat osatu zen, 89 artikulu eta 362 orrialde biltzen zituena.[3][4] Guztira parkeko 165 argazki argitaratu dira Wikimedia Commons-en.[5]
Mundu mailan Wikipedia kudeatzen duen Wikimedia erakundeak 2017an diru-laguntza bat eman zuen proiektu honetan erabili den metodologia eredugarria gizartean zabaltzeko.[6] Egin dugun lana zabaldu nahi dugu, horrela ea antzeko taldeek antzeko proiektu berriak sortzen dituzten. Wikimediak eman duen diru-laguntzari esker Donostiako 14 liburutegiei oparitzen diegu egindako lana hiritarren artean hobeto zabaltzeko.
Liburua egiten parte hartze nabarmena izan duten elkarteak eta pertsonak hauek izan dira:
- WikiMedia Fundazioa
- Euskal Wikilarien Kultur Elkartea
- Uliako Auzo Elkartea
- Donostiako liburutegiak, proiektuan sinistu zutelako eta eskaera egin zutelako
- Uliako Lore-Baratzak, hackatoia antolatzen lagundu zutelako
- SEO Birds Donostia, parkeko hegaztiak zeintzuk ziren aztertu zutelako
- Antton Larretxao, parkeko arima eta ur biltegien zaindaria delako.
Prentsaurrekoa aldatu
2018ko urtarrilaren 29an prentsaurreko bat antolatu zen liburuaren aurkezpena egiteko eta Donostiako Liburutegiei 14 aleak entregatzeko.[7] [8] [9] [10] [11]
Liburuaren aleak zabaltzen aldatu
Liburuaren ale bana banatu zitzaien inplikatuta egon ziren pertsona eta erakunde horiei, baita Donostiako udaletxeko bost alderdiei ere (EAJ-Alkatetza, PP, PSOE-EE, Irabazi eta EH Bildu).
-
SEO Birdlife elkarte ornitologikoa -
Donostiako PP alderdia liburua jasotzen -
Donostiako Irabazi alderdia liburua jasotzen -
Donostiako EHBildu alderdia liburua jasotzen -
Donostiako alkatetza (EAJ alderdia) liburua jasotzen
Liburua komunkabideetan aldatu
- "Dónde está la palmera falsa de los maoríes? Y el reyezuelo, ¿dónde vive?" Los tesoros escondidos de los Viveros de Ulía. Begoña del Teso. Diario Vasco, 2018-03-09.[12] [13]
- Parkearen aberastasuna. Inazio Esnaola. Berria, 2018-03-09. [14]
Liburua sare sozialetan aldatu
- Twitter
- Uliatarrak https://twitter.com/Uliatarrak/status/958056569022885888
- euwikipedia https://twitter.com/euwikipedia/status/958064451948892160
- euwikipedia https://twitter.com/euwikipedia/status/958063482187976704
- euwikipedia https://twitter.com/euwikipedia/status/958063090565828613
- Irutxulo https://twitter.com/irutxulo/status/958021930975744000
- UliakoMintegiak https://twitter.com/UliakoMintegiak/status/957986619054837761
- Uliatarrak https://twitter.com/Uliatarrak/status/957890375246544896
- Uliatarrak https://twitter.com/Uliatarrak/status/957891618656407553
- Blogak
- Uliako mintegietako parkeari buruzko wiki liburua EWKE, Euskal Wikilarien Kultur Elkartea
- Wiki-liburu bat aurkeztu dugu mintegietako parkeaz Uliako Auzo elkartea
- Ulia mintegietako parkea Wiki-liburu berria argitaratu dute. Angel Etxeberria SL.
Liburua argitaratuta dago, baina Wikiproiektuak bizirik jarraitzen du, artikuluak eguneratzen eta osatzen lagun dezakezu.
Artikulu zerrendak aldatu
Hurrengo ataletan wikiproiektu honetan erabili izan ditugun taulak azaltzen dira. Taula bat zuhaitzetarako eta beste bat hegaztietarako. Hasieran euskararen zutabean hainbat eta hainbat izen gorriz azaltzen ziren, orduan artikulu horiek Euskal Wikipedian definitu gabe zeudelako, baina proiektu honi esker, orain izen guztiak urdinez azaltzen dira. Bejondeigula!
Ur-biltegiak aldatu
Soroborda eta Buskando. Aspaldiko ur-biltegi horiek parke barruan daude, eta hiriaren ondareko elementu garrantzitsuak dira.
Anfibioak aldatu
Txantxiku arrunta eta uhandrea. Parkeko potxingoetan bizi dira.
Zuhaitzak aldatu
Txoriak, hegaztiak aldatu
Erreferentziak aldatu
- ↑ Maiatzaren 28an: Uliako Lore-Baratzak wikiproiektua eta… EZ HONDATU PARKEA Uliako Auzo-elkartea (2016-05-28)
- ↑ Wiki-liburu bat mintegietako parkeaz // Un wiki-libro sobre el parque de viveros Uliako Auzo-elkartea (2017-03-25)
- ↑ Uliako Mintegietako parkea (2018) Uliako Auzo-elkartea (2018-01-05) PediaPress bitartez ale bat(zuk) eskatu nahi izanez gero.
- ↑ Uliako Mintegietako parkea (2018). Liburua ikusi eta pdf formatuan deskargatzeko aukera.
- ↑ Parkeko 165 argazkiak(Wikimedia Commons)
- ↑ Wikimedia erakundeak 2017an eman zuen diru-laguntza
- ↑ Wikiliburuaren aurkezpena 2018an albistea EWKEren webgunean.
- ↑ (Gaztelaniaz) La riqueza de los viveros de Ulia, en un libro (Noticias de Gipuzkoa, 2018-01-30) .
- ↑ Uliako Mintegietako wiki-liburua argitaratu dute (Irutxuloko hitza, 2018-01-30).
- ↑ Wiki-liburu bat aurkeztu dugu mintegietako parkeaz Uliako Auzo Elkartea, 2018-01-31
- ↑ (Gaztelaniaz) Un wiki-libro sobre el parque de viveros donado a 14 bibliotecas de Donostia Uliako Auzo Elkartea, 2018-01-31
- ↑ (Gaztelaniaz) Del Teso, Begoña. (2018-02-04). «"Dónde está la palmera falsa de los maoríes? Y el reyezuelo, ¿dónde vive?" Los tesoros escondidos de los Viveros de Ulía» Diario Vasco (Diario Vasco) (Noiz kontsultatua: 2018-03-09).
- ↑ (Gaztelaniaz) Ulia, Auzo Elkartea. (2018-03-10). Begoña del Teso: Dónde está la palmera falsa de los maoríes? Y el reyezuelo, ¿dónde vive? (Viario Vasco, 04-02-2018)". Ulia Auzo Elkartea (Noiz kontsultatua: 2018-03-10).
- ↑ Esnaola, Inaxio. (2018-03-09). «Parkearen aberastasuna» irutxulo.hitza.eus (Irutxuloko Hitza) (Noiz kontsultatua: 2018-03-09).