Wikipedia:Bozketak/Burokratak eta enbaxadorea hautatzea (2014)

Gaia: euskal wikipediako burokratak eta enbaxadorea izendatzea onartu da Txokoan. Administratzaile aktiboen kopuruari begiratuta, bi burokrata aktibo izan behar genituzke (gaur egun ez dago bat ere), eta enbaxadore bat ere behar dugu. Horiek izendatzeko metodologia ondorengo hau izango da:
Metodologia: burokrata izateko, aurretik administratzaile izan beharko da; enbaxadore izateko ez dago aurrez beste kargurik izan beharrik, baina Wikipediaren funtzionamendua ondo-ondo ezagutu behar da, eta ingelesez ondo moldatu. Eskakizun horiek betetzen dituen orok bere burua hautagaitzat aurkez dezake behean, atal berri bat osatuz ( ==== {{lank|wikilari izena}} ==== formatuarekin). Ondoren, botoa emateko eskubidea duten lankideek (oro har, lankide aktibo guztiak) zerrendatik bi burokrata eta enbaxadore bat aukeratu ahalko dituzte gehienez. Bukatutakoan, burokrata izateko hautagaien artetik boto gehien duten biak izango dira burokrata, eta enbaxadore izateko hautagaien artetik boto gehien duena izango da enbaxadore.
Epea: 2014ko urriaren 13tik 27ra (biak barne), hautagaiak aurkeztu eta bozketa egiteko.