Vercelli

Vercelli (piemonteraz: Vërsèj) Italia iparraldeko hiria da. Piemonte eskualdean dago, Vercelliko probintzian. 2012an 47.115 biztanle zituen.

Vercelli Vercelli
Italiako udalerria
Irudi gehiago
Administrazioa
Herrialdea	Italia
Italiako eskualdeak	Piemonte
Probintzia	Vercelliko probintzia
Izen ofiziala	Vercelli
Jatorrizko izena	Vercelli
Posta kodea	13100
ISTAT kodea	002158
Geografia
Koordenatuak	45°19′32″N 8°25′23″E
Azalera	79,78 km²
Altuera	130 m
Mugakideak	Borgo Vercelli, Desana, Lignana, Olcenengo, Prarolo, Salasco, Sali Vercellese, Villata, Vinzaglio, Asigliano Vercellese, Caresanablot, Palestro, San Germano Vercellese eta Quinto Vercellese
Demografia
Biztanleria	45.206 (2023ko urtarrilaren 1a) −975 (2018)
Dentsitatea	567 bizt/km²
Informazio gehigarria
Telefono aurrizkia	0161
Ordu eremua	UTC+01:00 eta UTC+02:00
Hiri senidetuak	Arles eta Tortosa
Katastro kodea	L750
Sailkapen sismikoa	4 (Oso txikia)
Matrikula	VC
comune.vercelli.it

Sesia ibaiaren ertzean dago, lautada handi baten erdialdean, Milan eta Turinen artean, eta Suitza eta Liguriako itsasoaren artean. Ibarra oso ondo ureztatuta dago, eta arroz-soro handiak daude. Europako arroz ekoizle handienetarikoak dira Vercellin, eta mundu osora esportatzen dute.

Mugan ditu udalerri hauek: Asigliano Vercellese, Borgo Vercelli, Caresanablot, Desana, Lignana, Olcenengo, Palestro, Prarolo, Salasco, Sali Vercellese, San Germano Vercellese, Villata eta Vinzaglio.

Historia

Liguriako libici tribuaren hiriburua izan zen Oppidium Vercellae; Galia Zisalpinokoa izan zen. K.a. 89. urtean zuzenbide erromatarra ezarri zuten. Estrabonen sasoian gotortutako hiribildua zen, baina K.a. 42. urtean udalerri izendatu zuten, eta indarra hartzen joan zen. Apolo (Apollinae Vercellae) zen gehien gurtzen zuten jainkoa. IV. menderako apezpiku-egoitza zen Vercelli, lehenengoz, San Eusebiorena.

Inguruetan urre-meatzeak zeuden: Ictimuli edo Vicus Ictimulorum.

Monumentuak

San Andrea basilika da monumenturik ezagunena: 1219. urtean hasi ziren eraikitzen, eta hainbat estiloz eginda dago, hala nola lombardoa, erromanikoa eta gotikoa. Aipagarriak dira, beste batzuen artean, hauek ere: San Eusebio katedrala, Angello Dorrea, Torre di Città dorrea, Borgogna Museoa, Camilo Leone Museoa, eta abar. Kultura-ondare aberatsa dago Vercellin, arte eta arkitekturakoa ez eze, baita dokumentala ere.

Senidetutako hiriak

• Tortosa, Espainia (2003)

Ikus, gainera

• Via Francigena

Kanpo estekak

• Borgogna Museoa

• Datuak: Q5990
• Multimedia: Vercelli / Q5990