Vera Daves
Vera Daves, jaiotzaz Vera Esperança dos Santos Daves De Sousa (Luanda, Angola, 1984ko maiatzaren 18a) angolar politikaria eta ekonomialaria da, eta Angolako Gobernuko Finantza ministro izendatu zuten 2019an.
| Vera Daves | |||
|---|---|---|---|
 | |||
2019ko urriaren 8a - ← Archer Mangueira (en)  | |||
| Bizitza | |||
| Jaiotza | Luanda, 1983ko maiatzaren 18a (40 urte) | ||
| Herrialdea |  Angola | ||
| Hezkuntza | |||
| Heziketa | Catholic University of Angola (en) | ||
| Hizkuntzak | portugesa | ||
| Jarduerak | |||
| Jarduerak | ministroa, ekonomialaria eta politikaria | ||
Parte-hartzailea
| |||
Biografia aldatu
Luandan jaio zen 1984an eta Ekonomian graduatu zen Angolako Unibertsitate Katolikoan.[1][2]
Ibilbide profesionala aldatu
Tokiko banku bateko ikerketa-burua izan zen 2011n, eta finantzei eta ekonomiari buruzko telebistako ohiko iruzkingile bihurtu zen. Kapitalen Merkatuko Batzordeko buruak, Archer Mangueirak, telebistan ikusi zuen eta Batzordean parte hartzera gonbidatu zuen.[1][3] Batzordeko administratzaile exekutiboa izan zen 2014. urtetik 2016. urtera, eta Mangueira ordezkatu zuen 2016. urtean batzordeburu gisa.[4][2]
Alves da Rocha ekonomi-irakaslearekin finantza publikoei buruzko liburu baten egilekidea da.[1][3]
Angolako Finantza eta Altxorreko Estatu Idazkaria izan zen, João Lourenço presidenteak 2019ko urriaren 8an Finantza ministro izendatu baino lehen, 35 urte zituela. Kargua hartu zuen lehen emakumea izan zen. Izendatu baino lehentxeago, MPLA alderdi agintariaren Buro Politikoarekin bat egin zuen kongresu berezi batean.[1][3][4][2][5] "Oso teknika diziplinatua, ondo prestatua eta trebea" dela esaten da.
Kargua hartu zuenean, Afrikako bosgarren handiena zen herrialdeko ekonomia berregituratzeko agindu zioten.[4] 2020ko martxoan iragarri zuen herrialdea atzeraldian zegoela, eta Ogasun Ministerioa Estatuko Aurrekontu Orokorrak berrikusten ari zela, COVID 19ren pandemiaren eraginagatik.[6][7] Apirilean iragarri zuen bertan behera uzten zirela petrolioaren prezio murriztuak eta pandemiak finantza publikoetan zuen eraginak bermatzen ez zituzten kontratu guztiak.[8]
Erreferentziak aldatu
- ↑ a b c d Akpah, Prince. (18 de junho de 2020). «Women Rising: Meet Africa’s only 2 female finance ministers» Africa Feeds.
- ↑ a b c dos Santos, Edjaíl. (13 de outubro de 2019). «Who is Vera Daves, the first woman to lead Angola's Finance?» Jornal Economico.
- ↑ a b c Almeida, Henrique. (6 de novembro de 2019). In Angola, a 35-Year-Old Woman Steps Up to Boost the Economy. Bloomberg.
- ↑ a b c Eisenstein, Zoé. (20 de março de 2020). «Angola: Finance Minister Vera Daves has one of Africa’s toughest jobs» The Africa Report.
- ↑ Vera Daves appointed Finance minister. Agência Angola Press 9 de outubro de 2019.
- ↑ Silva, Graciosa. (27 de março de 2020). «Vera Daves announces recession» Ver Angola.
- ↑ Angolan government prepares revised budget for 2020. Macau Hub 30 de março de 2020.
- ↑ Angola suspends all contracts without guaranteed funding. Macau Hub 22 de abril de 2020.
Kanpo estekak aldatu
Datuak: Q96441964
