Ventura Rodríguez

arkitekto espainiarra

Buenaventura Rodríguez Tizón, ezagunagoa Ventura Rodríguez gisa (Ciempozuelos, Madril, Espainia, 1717ko uztailaren 14a - Madril, Espainia, 1785eko abuztuaren 26a), espainiar arkitektoa izan zen.

Ventura Rodríguez
The Architect Ventura Rodriguez (Francisco Goya Y Lucientes) - Nationalmuseum - 21624.tif
Bizitza
Izen osoa Buenaventura Rodríguez Tizón
Jaiotza Ciempozuelos1717ko uztailaren 14a
Herrialdea  Espainia
Heriotza Madril1785eko abuztuaren 26a (68 urte)
Ikaslea(k) Juan Antonio Cuervo (en) Itzuli
Jarduerak
Jarduerak arkitektoa
Firma de Ventura Rodríguez.svg
1=Iglesia de San Marcos (Madrid)
San Marko eliza (Madrid)

Espainiako arkitektorik garrantzitsuenetakoa izan zen XVIII. mendean. Inork baino hobeto islatu zuen bere eraikuntzetan barrokotik neoklasizismorako aldakuntza.

ObrakAldatu

Madrilgo San Markos, garai hartako molde italiarreko eliza, izan zen bere lehen obra garrantzitsua (1753). Hiri bereko Sorkunde eliza (1755) eta Cuencako katedraleko Gardena (1755) egin zituen ondoren. Zaragozako Pilarreko basilikaren eraikuntzan (1750) eta Madrilgo Errege Jauregiarenean (1738-1764) jardun zuen.

Gorteko arkitekto izateari utzi zion 1758. urtean, eta arkitektura irakasten hasi zen. 1760. urtean egin zuen Valladolideko agustindarren eliza klasikoa eta 1778an berritu zuen Kordobako Santa Victoria eliza.

Ventura Rodríguezek berak eginak dira, halaber, Bartzelonako kirurgiako Errege-Eskola (1761), Madrilgo Liria jauregia (1773), Haroko udaletxea (1769), Torokoa (1776) eta Burgoskoa (1783). Madrilgo Prado ibilbidea ere Venturak proiektatua da.

Euskal Herrian ere izan zen Ventura Rodríguez; harenak dira Iruñeko katedraleko aurrealdea (1783) eta Noaingo akueduktuaren proiektua (1780).

ErreferentziakAldatu