Utah Jazz

Utah Jazz
Ligak	NBA
Sorrera	1974
Historia	New Orleans Jazz; 1974–1979; Utah Jazz; 1979–egun
Pabiloia	EnergySolutions Arena
Kokapena	Salt Lake City, Utah
Taldearen koloreak	Urdin, hori, berde, gris;
Lehendakaria	Dennis Lindsey
Entrenatzailea	Quin Snyder
Txapelketak	0
Webgunea	www.nba.com/utahjazz
	Uniformeak
Etxean	Kanpoan

Utah Jazz NBAn jokatzen duen AEBetako Utah estatuko Salt Lake Cityko saskibaloi taldea da. 1974an sortu zen, jatorria New Orleans hirian du (hortik dator jazz izena) baina 1979tik aurrera Utah Estatuan finkatuta dago.

New Orleans Jazz (1974-1979) aldatu

Bost urte eman zituen Jazz frankiziak New Orleansen (74/79) urte horietan talde galtzailea zen bertan Pete Maravich jokalari aparta egon arren.

Utah Jazz (1979) aldatu

1979an taldea Utah-ra eramatea erabaki zuten, ez hori bakarrik, Jazz izena mantentzea erabaki zuten nahiz eta musika estilo horrek Utah estatuko kulturarekin zerikusirik ez izan. Urte zailak izan ziren taldearentzat, (1980an Maravich bota zuten) 1983-1984ko denboraldian historian lehenengo aldiz playoff jokatzea lortu zuten arte. playoff-ean 2.fasean kanpo gelditu ziren Phoenix Suns-en kontra.

Stockton-Malone Aroa (1985-2003) aldatu

1984ko Draft-ean John Stockton antolatzailea aukeratu zuten Gonzagako Unibertsitatetik eta hurrengo urtean 1985an Karl Malone Hegal-Pibota Louisiana Tech Unibertsitatetik, bi jokalari hauei esker Utah Jazz taldeak pixkana pixkanaka beste taldeen errespetua irabazten joan zen, urte guztietan playoff jokatzeko sailkatu ziren.

Stockton eta Malone ospe handia lortu zuten (urte guztietan all-star game jokatzen zuten), eta taldeak bien bitartean gero eta zale gehiago lortu zituen.

1988an Jerry Sloan laguntzaileak, taldearen entrenatzaile nagusia izendatu zuten (Oraindik 22 urte geroago jarraitzen duena), eta berarekin taldeak historian lehenengo aldiz, 50 garaipen baino gehiago lortu zituen.

1990eko hamarkada aldatu

1990eko hamarkadan taldea hobetuz joan zen, eta 96-97ko denboraldian 64-18 errekorra egin eta gero (historiako garaipen gehieneko urtea) NBAko finaletara heldu ziren, baina Michael Jordanen Chicago Bullsen kontra galdu zuten 6 partidutan. Urte horretan Karl Malonek denboraldiko NBAko Jokalari Baliotsuenaren Saria saria eskuratu zuen. Hurrengo denboraldian (97/98) nahiz eta hasiera zaila izan (stockton lesionatu zen) azkenean NBAko Finalak berriro jokatzeko sailkatzea lortu zuten, berriz ere Chicago Bulls-en eta aurrekoan bezala galdu zuten, final honetan Jordanek azken segundoetan Byron Russelen aurrean NBAko saskiraketarik famatuenetarikoa lortu zuen.

1999an NBAn "lockout" denboraldi eztabaidatsua izan zenez, denboraldia erdira laburtu zen, Utah Jazzek 37-13 errekorra lortu zuen, baina konferentziako finalerdietan Portland Trail Blazersen kontra galdu zuten. Denboraldi labur hartan, Karl Malonek NBAko Jokalari Baliotsuenaren Saria lortu zuen bigarrenez.

Bikotearen amaiera (1999-2003) aldatu

99-00. urtean Playoffs-eko bigarren fasean galdu zuten, urte horretan Jeff Hornacek saskiratzailea erretiratu zen, hurrengo urteetan denboraldi honak egin zituzten baina playoffs-ean lehengo fasean galdu zuten. 2003. urtean John Stockton erretiratu zen eta Karl Malone Los Angeles Lakersera alde egin zuen Utah-n lortu ezin zuen NBAko eraztunaren bila, beraz urte horretan Stockton-Malone Aroaren amaiera heldu zen,taldean izugarrizko hutsunea sortuz .

Berregituraketa (2003-2006) aldatu

Stockton eta Malone joan eta gero taldeak denboraldi txarra egin zuen, ez zen sailkatu playoffs-ak jokatzeko, garai horretan Andrei Kirilenko jokalari Errusiarra zen taldearen burua. Hurrengo denboraldian(04/05) Utah Jazzek Cleveland Cavaliers-etik Carlos Boozer eta Detroit Pistons-etik Mehmet Okur sinatu zituen, taldeak asko hobetu zuen, baina Kirilenko,Raul Lopez, Carlos Arroyo eta Carlos Boozeren lesioen ondorioz ezin izan zuten playoffs-era heldu. 2005ko Draftean Deron Williams aukeratu zuten, baina ezin izan zioten hasiera bikain bati (12-1) jarrraipena eman eta berriro ere playoffs-etatik kanpo gelditu ziren. 2006an Ronnie Brewer (14.postuan) eta Paul Millsap (47.postuan) aukeratzeaz aparte Derek Fisher sinatu zuten, eta azkenik, 4 urte playoffs-ak jokatu gabe egon eta gero, 2007. lortu zuten.

Playoffs Taldea (2007- ? ) aldatu

2007.urtetik aurrera Playoffs guztietan parte hartu du taldeak.

-2007an Konferentziako finaletara heltzea lortu zuten, bertan San Antonio Spurs taldearen kontra galdu zuen (4-1)

-2008ko Playoffs-etan 2.fasera heldu zen Los Angeles Lakers-en kontra 4-2 galduz.

-2009an 1.fasean galdu zuten, berriz ere Los Angeles Lakers-en kontra (4-1).

Azken urte hauetan Stockton eta Malonek eratu zuten bikotearen antzera, beste bikote bat da Taldea gidatzen duena, bikote hau Deron williams eta Carlos Boozerrek osatzen dute.

2009/2010 denboraldiko taldea aldatu

UTAH JAZZ 2009/2010 TALDEA

Jokalariak

Zen.	Naz.	Izena	Rola	Jaiotze-Data	Alt.	Inf.	Jatorria
5		Carlos Boozer	Hegal-Pibota	1981.11.20	206 cm	K	Duke
8		Deron Williams	Antolatzailea	1984.06.26	191 cm	K	Illinois
13	{{banderaikur\|Turkia}	Mehmet Okur	Pibota	1979.05.26	211 cm		Turkia
15		Sundiata Gaines	Eskolta	1986.08.18	188 cm		University Georgia
17		Ronnie Price	Antolatzailea	1983.06.21	188 cm		Utah Valley State
23		Wes Matthews	Eskolta	1986.09.14	196 cm		Marquette
24		Paul Millsap	Hegal-Pibota	1985.02.10	203 cm		Louisiana Tech
26		Kyle Korver	Eskolta	1981.03.17	198 cm		Creighton
34		C. J. Miles	Eskolta	1987.03.18	198 cm		Skyline HS (TX)
41		Kosta Koufos	Pibota	1984.02.24	216 cm	R	Ohio State
44		Kyrylo Fesenko	Pibota	1986.12.24	213 cm		Ukraina
47		Andrei Kirilenko	Hegalekoa	1981.02.18	206 cm		Errusia