Txukotka penintsula
Txukotka penintsula edo Txuktxien penintsula[1] (errusieraz: Чукотский полуостров), Siberia, Errusia eta Asiako ipar-ekialderengo lurraldea da. Geografikoki, Ipar Amerikako Seward penintsularen aurrean dago, eta bien artean Bering itsasartea dago. Administrazioari dagokionez, Txukotka barrutikoa da Txuktxien penintsula.
| Txukotka penintsula | |
|---|---|
 | |
| Mendirik altuena | Iskhodnaya (en)  |
| Geografia | |
 | |
| Koordenatuak | 66°0′0″N 174°0′0″W |
| Estatu burujabe |  Errusia |
| Autonomous okrug of Russia |  Txukotk |
| Ur-gorputza | Txuktxien itsasoa Beringeko itsasartea Gulf of Anadyr (en) |
GeografiaAldatu
Txuktxi penintsularen iparraldera Txuktxien itsasoa dago; hegoaldera, Bering itsasoa; ekialdera, Beringeko itsasartea. Gehieneko luzera, hego-ekialdetik ipar-mendebaldera, 960 km-koa da; istmoa 500 km zabal da.
Penintsulako ekialdeko muturrean Dezhniov lurmuturra dago, Uelen ondoan: Asiako ekialdeko muturra da.
BiztanleriaAldatu
Bertako txuktxi herria bizi da penintsulan, beste etnia batzuekin batera: Siberiako yupik-ak, sireniki eskimalak, koryak-ak, txuvanoak, even-ak (lamutak), yukaghir-ak eta kolono errusiarrak.
EkonomiaAldatu
Jarduera ekonomiko nagusia meatzaritza da: zinka, urrea eta ikatza ustiatzen dute. Ehiza (elur-oreinak bereziki), arrantza eta turismoa ere garrantzitsuak dira.
HistoriaAldatu
1648. urtean Semion Dezhniov eta Fedot Alekseiev Popov buru ziren espedizio bat joan zen lurralde hartara: hamar aste behar izan zituzten penintsula osoa ontziz inguratzeko. Orduan aurkitu zuten Asia eta Alaska ez daudela lurrez lotuta.
ErreferentziakAldatu
- ↑ 159. araua. Euskaltzaindia (Noiz kontsultatua: 2013-7-10).
