Zoologia

Zoologia animaliak aztertzeaz arduratzen den biologiaren adarra da. Zoologiak era eta tamaina guztietako animaliak aztertzen ditu, hasi ameba txikietatik eta balea handietaraino, eta hainbat alor lantzen ditu, hala nola espezieen biologia (nola bizi diren), fisiologia (nolakoak diren), nolako portaera duten, banaketa eta ekologia.

Gizakia antzinatean hasi zen animaliekiko eta horien forma-aniztasun izugarriarekiko interesa izaten. Grezian, K.a. IV. mendean, Aristotelesek espezie asko deskribatu zituen, eta horien sailkapen bat ere egin zuen. Atera zituen ondorio asko, ordea, ez ziren oso zientifikoak, esperimentazioetan oinarritzen ez zirelako. Pizkundean bihurtu ziren zoologoak benetako zientzialari, eta XVIII. mendean hasi ziren animalien eta landareen sailkapen sistematikoa egitean.

Taxonomia da animalia-espezie guztiak eta horien banaketa esploratzen eta sailkatzen dituen zientzia. Eta taxonomia horretako langile zoologikoak honela banatzen dira:

Museologoak, bilduma zoologikoen kontserbatzaileak eta deskribatzaileak.
Esploratzaileak eta naturalista modernoak eta zoogeografiari buruzko idazleak.
Fosil-biltzaileak eta paleontologoak.