Txikipedia:Samantha Peszek

Samantha Peszek 2008ko Pekingo Olinpiar Jokoetan

Samantha Nicole Peszek (Indiana, 1991ko abenduaren 14a) gimnasta estatubatuarra izan zen, Ameriketako Estatu Batuetako emakumezkoen gimnasia taldeko kidea izan zena 2008ko Pekingo Olinpiar Jokoetan. 2010ean UCLAn egin zuen debuta eta 2011ko NCAAko habe txapelketa irabazi zuen.

2015ean, erretiratu ostean, Alicia Sacramone talde olinpikoko kidearekin batera, The Gympire plataforma sortu zuen. The Gympire kirola, osasuna eta nutrizioari buruzko komunitate birtuala da.

Ibilbidea

3 urterekin hasi zen gimnasia praktikatzen. 12 urterekin, Peszek talde nazionaleko kiderik gazteena bihurtu zen.

2007an, eliteko gimnasta gisa egin zuen lehen denboraldian, Rio de Janeiron ospatutako Panamerikar Jokoetan parte hartu zuen. 2008an parte hartu zuen lehen lehiaketa New Yorken jokatu zen Amerikako Kopa izan zen, eta hirugarren postuan sailkatu zen bakarkako lehiaketan. 2008ko abuztuan, 2008ko Pekingo Olinpiar Jokoetan parte hartu zuen. Olinpiar Jokoen ostean, Peszek lehiaketatik kanpo geratu zen 2009ra arte, orkatila lesio baten ondorioz. Urte berean ibilbide profesionaletik erretiratu egin zen, bere ibilbide unibertsitarioa hasiz. 2015ean utzi zuen gimnasia eta kazetari izateari ekin zion.

Emaitzak

Urtea	Txapelketa	Lekua	Postua
2005	Mexican International Invitational	Mexiko	1.a (urrezko domina)
2006	International Gymnix	Kanada	1.a (urrezko domina)
2006	Pan Amerikar Txapelketa	Kanada	4.a
2006	U.S. Classic	AEB	2.a (zilarrezko domina)
2006	Junior Txapelketa Nazionala	AEB	3.a (brontzezko domina)
2007	USA-Great Britain Friendly	Erresuma Batua	3.a (brontzezko domina)
2007	Munduko Txapelketa	Alemania	1.a (urrezko domina)
2008	Amerikako Kopa	AEB	3.a (brontzezko domina)
2008	Olinpiar Jokoak	Txina	2.a (zilarrezko domina)
2014	NCAA	AEB	4.a
2015	NCAA	AEB	1.a (urrezko domina)