Paralelo (geografia)

Munduko mapa, paralelo garrantzitsuenekin.

Paraleloak Lurra horizontalki inguratzen duten irudizko lerro zirkular batzuk dira. Koordenatu geografikoetan erabiltzen dira, leku baten latitudea zehazteko; hau da, ekuatoretik zein distantziatara dagoen adierazteko. Distantzia hori gradutan neurtzen da: 0° daude ekuatorean eta 90° poloetan. Hego latitudea eta ipar latitudea bereizten dira: halako puntu bat ekuatoretik behera badago, hego hemisferioan, alegia, orduan hego latitudea izango du; eta ekuatoretik iparraldera baldin badago, ipar latitudea.

Zein dira paralelo garrantzitsuenak?

Bost dira paralelo nagusiak:

• Zirkulu polar artikoa (66.5° Ipar latitudea).
• Kantzer tropikoa (23.5° Ipar latitudea).
• Ekuatorea (0° Ipar latitudea).
• Kaprikornio tropikoa (23.5° Hego latitudea).
• Zirkulu polar antartikoa (66.5° Hego latitudea).

Paralelo handiena Ekuatorea da, eta Lurra bi hemisferiotan banatzen du. Poloetatik zenbat eta hurbilago egon, orduan eta txikiagoak dira Lurraren esferan osatzen duten zirkuluak.