Txikipedia:La Paz
La Paz Boliviako gobernu-egoitza da. Herrialdeko gune politiko, finantzario, sozial, akademiko eta kultural garrantzitsuena da, eta Bolivian garapen jasangarriko maila handiena duen hiria.
Biztanleria
aldatu2020an 816.000 biztanle inguru zituen
Kokalekua
aldatuBoliviako mendebaldean dago La Paz, Titicaca aintziratik 68 km hego-ekialdera. Choqueyapu ibaiak sortutako arroila batean dago, eta goi-lautadako mendi garaiek inguratzen dute; besteak beste, Illimani elurtuak. Itsas-mailatik 3650 metrotako altueran dago La Paz, munduko hiririk altuena delarik. Ilimani mendiaren silueta hiriaren ikur garrantzitsua izan da sortu zenetik.
Fundazioa
aldatu1548ko urriaren 20an, Alonso de Mendoza konkistatzaile espainiarrak "Nuestra Señora de La Paz" hiria sortu zuen, eta Pedro de la Gasca Limako Errege Audientziako presidentearen eskutik jaso zuen.
Klima
aldatuHiriko klima goi-mendiko klima epela da, uda euritsuak eta negu hotzak ditu. La Paz hiria haranaren hasieran dago, eta, beraz, klima ez da hain erasokorra.
Gastronomia
aldatuLa Pazeko gastronomia aldatzen ari da, gero eta kosmopolitagoa eta janari sofistikatuagoa bihurtuz, bertako zein nazioarteko plateretan. Kaleko bazkaria herrikoia da La Pazen. Plater ezagunenak salteñoak, tukuanak, txoripana, antikutxoa eta txolaren sandwicha dira.
Jaiak
aldatuJaiegun eta jaiegun garrantzitsuenak:
Urtarrilak 24: Alasitak
Otsaila edo martxoa (data mugikorra): Inauteriak
Maiatza (data mugikorra): Botere Handiko Jesus Jaunaren sarrera folklorikoa
Ekainak 21: Urteberri eguna aimara
Uztailak 16: Bakearen urteurrena
Uztaileko azken larunbata: unibertsitateko sarrera folkloriko tradizionala
Urriak 20: La Paz sortu zeneko urteurrena
Azaroak 1 eta 2: Santu guztiak