Kaprikornio tropikoaren marra.

Kaprikornio tropikoa Lur planetako bost latitude-zirkulurik handienetako bat da, eta, zehazki, ekuatoretik hegoaldera 23º27' dagoen paraleloa. Tropiko honek planetako lurralde tropikalaren hegoaldeko muga markatzen du.

Duela 2 000 urte latitude honi izen hau ipini zitzaionean, eguzkia neguko solstizioan (abenduaren 21ean) Kaprikornio konstelazioan zegoelako eman zitzaion izen hori. Gaur egun, ordea, eguzkia Ofiuko konstelazioan dago neguko solstizioan. Solstizioko egun honetan, eguerdian, eguzkiaren izpiak bertikalki erortzen dira tropiko honen marraren gainera.