Eklipse

Eklipsea astro batek beste bat «estaltzen» duenean gertatzen den fenomenoa da.
Eklipseak osoak edota partzialak izan daitezke: osoak direnean, astro batek oso-osorik estaltzen du bestea; partzialen kasuan, zati bat bakarrik estaltzen du.

Ba al dakizu

Eklipse hitza grezieratik dator, eta «desagertzea» esan nahi du.

Eklipse mota ezagunenak bi dira:

Eguzki-eklipsea: Ilargiak Eguzkia estaltzen duenean gertatzen da.
Ilargi-eklipsea: Lurraren itzalak Ilargia estaltzen duenean gertatzen da.

Fenomeno natural horiek ulertzeko, kontuan izan behar dugu argia ematen duen bakarra eguzkia dela, Lurra eguzkiaren inguruan biraka dabilela, eta ilargia Lurraren inguruan dabilela. Hirurak etengabe ari dira mugitzen, baina bakoitzak bere ibilbidea (bere orbita) egiten du.