Berrugeta iluna Euskal Herriko kostaldean bizi den arrain bat da.
Izena
aldatuArrain honen izen zientifikoa Sciaena umbra da. Grezierazko Skiá hitzetik eta latinezko umbra hitzetik dator. Biek "itzala" esan nahi dute. Izen hori jarri diote arrainak kolore iluna duelako.
Deskribapena
aldatuGorputz txikia du, 30-40 cm ingurukoa. Kolore gris iluna du. Sabela argiagoa da eta urre koloreko marrak ditu. Bizkarrean konkor bat du eta azpialdean laua da. Azpiko hegatsetan arantza zuri bat dauka eta gainerakoa iluna da. Arrainaren muturra borobiltsua da eta begi handiak ditu.
21 urte bizi daiteke.
Berrugeta gazteak kolore argiagoak ditu eta puntu beltz asko ditu gorputzean sakabanatuta.
Bizitokia
aldatuKostaldeko uretan bizi da. Batzuetan ibaietan ere sartzen da. Neguan itsasoko ur sakonetara joaten da.
Elikadura
aldatuGauez ateratzen da jatera. Iluna denez kamuflatu egiten da eta harrapakinak sorpresaz harrapatzen ditu. Arrain txikiak eta karramarroak jaten ditu. Algak ere jaten ditu.
Ugalketa
aldatuMartxoa eta abuztuaren artean jartzen ditu arrautzak. Arrautzetatik larbak ateratzen dira eta ur azalean bizi dira. Larbak arrain bihurtzen direnean kostaldera hurbiltzen dira.
Sukaldaritza
aldatuMediterraneo itsasertzean asko jaten da. Horregatik berrugeta ilunaren populazioak asko txikitu dira.
Hainbat eratara prestatzen da:
- Labean erreta
- Plantxan
- Gatzetan