Txikipedia:Alexandria Ocasio-Cortez
Alexandria Ocasio-Cortez 1989ko urriaren 13an jaio zen Bronxen, New Yorken. Ekintzaile eta politikari Estatubatuarra da.
2019ko urtarrilaren 3tik Estatu Batuetako Ordezkarien Ganberako kidea da.
Ocasio Cortez ezaguna egin zen 2018ko partidu demokrataren hauteskundeak irabazi zituelako. 29 urte bakarrik zituen, beraz, Kongresurako hautatua izan den emakumerik gazteena izan da.
Emakume honek feminismoa, osasungintza unibertsala, armen kontrola eta unibertsitate publikorako doako sarrera aldarrikatzen ditu. Gogor salatzen ditu kanpo politikan gaizki ikusten dituen ekintzak, giza-eskubideen aurkakoak direnak batez ere.