Torrente, el brazo tonto de la ley

Torrente, el brazo tonto de la ley (euskaraz Torrente, legearen beso tentela) 1998ko Santiago Segura espainiar zinema zuzendariaren akziozko komedia filma bat da. Bertan, Santiago Segura, Javier Cámara, Chus Lampreave, Neus Asensi, Manuel Manquiña, Luis Cuenca, Tony Leblanc, Espartaco Santoni, Julio Sanjuán, Darío Paso eta Jimmy Barnatán aktoreek antzeztu zuten.

Torrente, el brazo tonto de la ley
Jatorria
Argitaratze-data	1998
Jatorrizko izenburua	Torrente, el brazo tonto de la ley
Jatorrizko hizkuntza	gaztelania
Jatorrizko herrialdea	Espainia
Ezaugarriak
Genero artistikoa	film komikoa eta Umore beltza
Iraupena	97 minutu
Kolorea	koloretakoa
Grabazio lekua(k)	Madril
Zuzendaritza eta gidoia
Zuzendaria(k)	Santiago Segura
Gidoigilea(k)	Santiago Segura
Antzezlea(k)
Javier Cámara Tony Leblanc Javier Bardem Antonio de la Torre Chus Lampreave Jimmy Barnatán Santiago Segura (José Luis Torrente ) Espartaco Santoni Carlos Bardem Neus Asensi Darío Paso Manuel Manquiña Manuel Tallafé Luis Cuenca Daniel Monzón El Gran Wyoming Mariola Fuentes Andreu Buenafuente Nuria de la Fuente Gabino Diego Máximo Pradera Jorge Sanz Fernando Trueba [[Kategoria:Espartaco Santonik antzeztutako filmak]] [[Kategoria:Carlos Bardemek antzeztutako filmak]] [[Kategoria:Darío Pasok antzeztutako filmak]] [[Kategoria:Manuel Manquiñak antzeztutako filmak]] [[Kategoria:Manuel Tallaféek antzeztutako filmak]] [[Kategoria:Luis Cuencak antzeztutako filmak]] [[Kategoria:Mariola Fuentesek antzeztutako filmak]] [[Kategoria:Nuria de la Fuentek antzeztutako filmak]] [[Kategoria:Máximo Praderak antzeztutako filmak]]
Ekoizpena
Ekoizlea	Andrés Vicente Gómez
Bestelako lanak
Musikagilea	Roque Baños
Fikzioa
Kontakizunaren tokia	Madril
ikusi José Luis Torrente
Historia
Jasotako sariak	Taldeko gizonezko aktorerik onenaren Goya Saria Goya Award for Best New Director
Nominazioak	Taldeko gizonezko aktorerik onenaren Goya Saria Goya Award for Best New Director Gizonezko errebelazio aktore onenaren Goya Saria
Kanpo loturak
www.torrentelamaquina.es/
Zinema loturak IMDb: tt0120868 FilmAffinity: 334167 RottenTomatoes: m/167962148 AllMovie: v161780
kronologia
Torrente, el brazo tonto de la ley →Torrente 2: Misión en Marbella

Filma estreinatu eta berehala ikusle eta sarrera salmenten bidezko diru etekinen aldetik sekulako arrakasta izan zuen, gainera bi Goya Sari ere irabazi zituen. Bestalde, hainbat jarraipen izan ditu: Torrente 2: Misión en Marbella (2002), Torrente 3: El protector (2005), Torrente 4: Lethal Crisis (2011) eta Torrente 5: Operación Eurovegas (2014).

Argumentua

Filmak José Luis Torrente (Santiago Segura) arrazista, ultraeskuindar, faxista, ustel, alfer, putazalea, edanzalea eta bere hitzetan droga neurri txikian hartu ohi duen espainiar polizia bat da, gainera El Fary abeslaria eta Atlético de Madrid futbol taldearen zaletu amorratua da.

Filma pertsonaia xelebre hau Madrilen gaueko erronda egin eta etxera itzultzen denean hasten da, atariko eskaileran gora doala "Rafi" (Javier Cámara) bizilaguna bere ama (Chus Lampreave) arrandegira jaisten laguntzen ari denean. Torrente eserleku-gurdian dagoen bere aitarekin (Tony Leblanc) bizi da, semeak aita modu kaskarrean ibili ohi duelarik. Torrente maiz dendetara joan eta bertako zaindariak ohartu gabe lapurretak egin ohi ditu, gainera bere adiskide Antonioren (Cañita Brava) jatetxean whiskya edateagatik 6000 pezetako zorra duenez kaleratua izan ohi da.

Ustekabean eta bere aitak bihotzekoa izan ondoren, Torrentek ezkutuko droga saltokia den txinatar jatetxe bat topatuko du, jatetxearen jabea Mendoza (Espartaco Santoni) droga trafikatzaile zitala delarik, eta haren konfidantzazko morroia berriz "El Francés" (Manuel Manquiña) delako hiltzailea. Rafik eta bere lagun koadrilak lagundurik (Carlitos, Malaguita, Toneti eta Bombilla) Torrentek Mendozaren egitasmoa zapuztea helburu du, baina Torrenteri ez zaizkio gauzak nahi bezala aterako. Halere, Mendozak beste droga-trafikatzaile batekin adostuta zituen 50 milioiko diru-saria bereganatu eta Torremolinosera ihes egitea lortuko du.

Aktoreak

• Santiago Segura: José Luis Torrente, espainiar polizia faxista eta ustela, Atlético de Madrid eta El Fary abeslariaren zaletua. Bere aita zaharra kalean diru eske ipini ohi du, besteen bizkar bizizalea, dendetan lapur eta whisky zurratzailea.
• Javier Cámara: Rafi, izen osoz Rafael Jiménez Valera, Torrenteren etxe azpiko arrandegiko langilea, Torrente armagizon gisa miresten du.
• Chus Lampreave: Remedios "Reme" Valera, Los Jureles arraindegiko jabea, Rafiren ama eta Amparoren izeba.
• Neus Asensi: Amparo, Rafaren lehegusu ederra, Torrenteren haragikeri ametsetako emakumea.
• Manuel Manquiña: El Francés, Mendoza zitalaren morroi edo sikario beldurgarria.
• Luis Cuenca: tabernaria, Torrentek egunero bere zazpi whiskyak gosaldu ohi dituen tabernako zerbitzaria.
• Tony Leblanc: Felipe Torrente, Torrenteren aita hemiplegikoa, semeak Estatuaren laguntzak lortzeko eta kalean dirua eskatzeko dagoena baina okerrago dagoela antzeztera behartzen du.
• Espartaco Santoni: Mendoza, narkotrafikatzailea, aberastasun eta emakume ugari dituen gizona.
• Julio Sanjuán: Malaguita
• Darío Paso: Bombilla
• Jimmy Barnatán: Toneti
• Carlos Bardem: Cayetano
• Antonio de la Torre: Rodrigo
• César Vea: Borja
• Cañita Brava: Antonio
• Poli Díaz: bere buruz antzeztuz
• Javier Bardem: Sultan
• El Gran Wyoming: komisarioa, Torrenteren buruzagia, eta haren iragan ezkutua ezagutzen duen bakarra.
• Nuria Carbonell (Pablo Carbonell aktorearen arreba): Pili
• Carlos Perea: Carlitos

Kanpo loturak

• Torrente, el brazo tonto de la ley filmaren IMDBko fitxa irakurgai (Ingelesez)
• Torrente, el brazo tonto de la ley filmaren trailer edo iragarkia ikusgai (Gaztelaniaz)