Ireki menu nagusia

Tiroxina

Tiroideak jariatzen duen hormona nagusia
Tiroxinaren egitura kimikoa


Tiroxina (T4), tetraiodotironina ere deitua, bi hormona tiroideoetako bat da (bestea tri-iodotironina izanik), bere molekulan 4 atomo iodo dituena (hortik izena). Tiroide guruinak jariatzen du.

Tirosina aminoazidotik sortzen da, lau atomo iodo erantsiz (irudia). Bere ekoizpena beste hormona batek, tirotropinak (TSH) erregulatzen du. Tirotropina hori, berriz, hipofisiak jariatzen du.

Zeregin metabolikoaAldatu

Tiroxinak prozesu katabolikoak areagotu eta bizkortzen ditu: gluzido, lipido eta proteinen katabolismoan eragina du, oxigenoaren kotsumoa ere areagotuz.

Horren ondorioz organismoaren hazkuntzan ere eragin nabarmena du. Hormona honen defizitak haurtzaroan kretinismo izeneko gaitza dakar, hazkuntzaren gelditzea sortzen duena.

Lotutako patologiakAldatu

  • Tiroxinaren defizitak hipotiroidismoa eragiten du. Kretinismoaz gain (sortzetiko hipotiroidismoa), beste hipotiroidismo mota batzuk daude, tiroxinaren ekoizpena gutxituta dutenak (jatorri autoimmunekoak -Hashimotoren tiroiditis-, iodoren ezagatik sortutakoak, e.a.). Hipotiroidismoaren tratamendua tiroxina sintetikoaren ematean datza.