Thomas Hardy
Thomas Hardy (Upper Bockhampton, Dorsetshire, 1840ko ekainaren 2a - Max Gate, Dorchester, 1928ko urtarrilaren 11) idazle britainiarra izan zen.
| Thomas Hardy | |
|---|---|
 | |
| Bizitza | |
| Jaiotza | Dorchester, 1840ko Ekainaren 2a |
| Herrialdea |  Erresuma Batua |
| Heriotza | Dorchester, 1928ko urtarrilaren 11 (87 urte) |
| Hobiratze lekua | Westminster abadia Stinsford (en)  |
| Heriotza modua | berezko heriotza |
| Familia | |
| Ezkontidea(k) | Emma Gifford (en) (1874ko Irailaren 17a - Florence Dugdale (en) (1914ko otsailaren 10a - |
| Hezkuntza | |
| Heziketa | Architectural Association School of Architecture (en) Londresko King's College (1865 - 1866) baliorik ez |
| Hizkuntzak | ingelesa |
| Jarduerak | |
| Jarduerak | idazlea, eleberrigilea, gidoilaria eta poeta |
| Lan nabarmenak | ikusi
|
| Jasotako sariak | |
| Kidetza | Arteen eta Zientzien Ameriketako Estatu Batuetako Akademia Errege Literatura Elkartea |
| Mugimendua | naturalismoa |
        | |
 | |
Lurjabe txikiz osaturiko familia batean jaio zen; etxean bertan grekoa eta latina ikasi zituen. Arkitektura ikasi ondoren, literaturari lotu zitzaion; eleberria, poesia eta antzerkia landu zituen. 1872an argitaratu zuen bere lehen lan aipagarria, Under the Greenwood tree (Baso berdearen azpian). 1873an, A pair of blue eyes (Begi urdin parea) bigarren eleberria agertu zen, Emma Laviniak, hurrengo urtean berekin ezkonduko zen emakumeak inspiratua. Ondoko eleberriek ospe handia eman zioten literaturazaleen artean. Hona haietariko ezagunenak: Far from the Madding Crowd (1874, Jendetza zoroagandik urrun); Return of the Native (1878, Sorterrirako itzulera); The Mayor of Casterbridge (1886, Casterbridgeko alkatea); The Woodlanders (1887, Basoko biztanleak); Tess of the D´Ubervilles (1891); Jude the Obscure (1895, Juda Iluna). Obra horietan ikuspegiak eta nekazari-lanak eta ohiturak jasotzeko trebetasunaz gainera, pertsonaien psikologia barneratzeko dohain handiak erakutsi zituen Hardyk. Mundu zaharraren eta berriaren arteko gatazka erakusten du, Wessex izeneko alegiazko lurralde mitikoa delarik jokalekua. Bestalde, halabeharrak gupidagabe astindu ohi ditu Hardyren pertsonaiak, eta haren aurka ezin dute deus egin. Umoreak pesimismo hori jabaldu egiten du kontakizun-liburuetan: Wessex Tales (1888, Wessexeko ipuinak), A group of noble dames (1891, Dama nobleen taldea), Life´s little ironies (1894). Azkeneko urteetan, Hardyk prosari utzi eta hitz neurtuz idazteari ekin zion. Jardun horri dagozkio, besteak beste: Poems of the Past and Present (1901, Iraganeko eta egungo poemak); The Dynasts, Napoleonen gerra gai duen poema dramatiko luzea (1904-1908); Time´s Laughing-Stock (1909, Denboraren jostailuak); Satires of Circunstance (1914).
Erreferentziak Aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Wikimedia Commonsen badira fitxategi gehiago, gai hau dutenak: Thomas Hardy  |
Datuak: Q132805
Multimedia: Thomas Hardy
