The Hours (filma)
The Hours (euskaraz Orduak) 2002ko Stephen Daldry ingeles zinema zuzendariak zuzendutako drama film bat da. 1999ko Pulitzer Saria irabazi zuen Michael Cunningham estatubatuar idazlearen izenburu berdineko eleberrian oinarritua dago. Meryl Streep, Julianne Moore, Nicole Kidman, Ed Harris, John C. Reilly, Stephen Dillane, Jeff Daniels, Miranda Richardson, Allison Janney, Toni Collette eta Claire Danes aktoreek antzeztu zuten.
Bederatzi Oscar Sarietarako izendapenak jaso eta azkenean Emakumezko aktore onenaren Oscar Saria (Nicole Kidman) irabazi zuen.
Argumentua aldatu
Beren bizitzei zentzuren bat topatu nahi dieten garai ezberdinetako hiru emakumeei buruzko kontakizuna da:
- 1923an, Virginia Woolf (Nicole Kidman) Londres hiriko auzo dotore batean bizi eta bere erokeriaren aurka borrokatuz bere lehen eleberri nabarmena idazten saiatuko da: "Dalloway andrea".
- 1951n, Laura Brown (Julianne Moore) Los Angeles hiriko emakume ezkondua eta seme-alaben ama da, "Dalloway andrea" eleberriaren irakurketak bere ordurarteko ikuspegiak ireki eta itxuraz guztiz zorionekoa den bere bizimodua zeharo aldatzeko aukerari buruz gogoeta egingo du.
- 2001ean, New York hirian, Clarissa Vaughan (Meryl Streep) "Dalloway andrea" eleberriko protagonistaren gaur egungo bertsioa da, bere lagun Richardez (Ed Harris) maitemindua dago, HIESa duen olerkari bikaina.
Aktoreak aldatu
- 1923
- Nicole Kidman: Virginia Woolf
- Stephen Dillane: Leonard Woolf
- Miranda Richardson: Vanessa Bell
- Lyndsey Marshal: Lottie Hope
- Linda Bassett: Nelly Boxall
- 1951
- Julianne Moore: Laura Brown
- John C. Reilly: Dan Brown
- Jack Rovello: Richard "Richie" Brown
- Toni Collette: Kitty
- Margo Martindale: Latch andrea
- 2001
- Meryl Streep: Clarissa Vaughan
- Ed Harris: Richard "Richie" Brown
- Allison Janney:Sally Lester
- Claire Danes: Julia Vaughan
- Jeff Daniels: Louis Waters
- Julianne Moore: Laura Brown zaharra
Kanpo estekak aldatu
- Webgune ofiziala (Ingelesez)
- IMDBko fitxa irakurgai (Ingelesez)