Teresa Catalán
Teresa Catalán Sánchez (Iruñea, 1951ko apirilaren 12a) nafar musikagilea da.
| Teresa Catalán | |
|---|---|
 | |
| Bizitza | |
| Jaiotza | Iruñea, 1951ko apirilaren 12a (73 urte) |
| Herrialdea |  Nafarroa Garaia, Euskal Herria |
| Hezkuntza | |
| Heziketa | Pablo Sarasate Musika Kontserbatorio Profesionala |
| Hizkuntzak | gaztelania |
| Irakaslea(k) | Fernando Remacha |
| Jarduerak | |
| Jarduerak | musikagilea |
| Enplegatzailea(k) | Madrilgo Goi Mailako Errege-Musika Kontserbatorioa |
| Jasotako sariak | ikusi
|
| teresacatalan.com | |
  | |
_-_Crosses.svg){kind=small}
.svg){kind=small}
2021ean Kulturaren Vianako Printzea saria jaso zuen,[1] eta 2022an Eusko Ikaskuntza-Laboral Kutxaren Humanitate, Kultura, Arteak eta Gizarte Zientzien Saria eman zioten.
Biografia aldatu
Piano eta konposizio ikasketak egin zituen Iruñeko Pablo Sarasate Kontserbatorioan, Fernando Remacha, Juan Eraso eta Luis Morondo irakasleekin, besteak beste. Hainbat trebakuntza-saio egin ditu Ramón Barce edota Agustín González Acilu irakasleekin. Sienako (Italia) Chigiana Akademian ere egin zuen Konposizio ikastaroa, eta Europako hainbat hiritan osatu du bere prestakuntza.
1985ean sortutako Iruñeko Taldea-Grupo de Pamplona taldearen sortzaileetako bat izan zen.[2] Bertako nahiz nazioarteko hainbat konposizio-ikastaro eta nazioarteko jaialdi zenbaiten zuzendari izan da. Oposizio bidez lortu zuen 1990. urtean Konposizio eta Instrumentazioan katedradun izatea, eta horretan dihardu Madrilgo Goi Musika Kontserbatorioan.[3] Irakaskuntza eta konposizioa uztartuz, sari ugari lortu ditu musika-sorkuntzan eta interpretazioan. Besteak beste, Iruñeko Udalaren, Nafarroako Gobernuaren, Frankfurteko Europako Musikaren Foroaren, Erromako Festival de Nuovi Spazi Musicaliren edo Heidelbergeko (Alemania) Jaialdiaren eskariz egin ditu hainbat konposizio.
Sariak aldatu
- 2022: Eusko Ikaskuntza-Laboral Kutxaren Humanitate, Kultura, Arteak eta Gizarte Zientzien Saria
- 2021: Kulturaren Vianako Printzea saria jaso zuen, Kulturaren eta Artearen Nafarroako Kontseilutik.
- Eusko Ikaskuntzaren Humanitate, Kultura, Arteak eta Gizarte Zientzien Saria (2022-09-27)
-
-
Teresa Catalán eta Imanol Zubiauzi -
Sariduna
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Eslava, Ane. «Teresa Catalan konpositoreak jasoko du Vianako Printzea saria» Berria (Noiz kontsultatua: 2022-02-14).
- ↑ Iruñeko Taldea-Grupo de Pamplona - Auñamendi Eusko Entziklopedia. (Noiz kontsultatua: 2017-10-06).
- ↑ Biografia Teresacatalan.com
Kanpo estekak aldatu
- (Gaztelaniaz) Webgune ofiziala
Datuak: Q12267900
