Tanganyika
Tanganyika[1] Erdialdeko Afrikako aintzira handienetatik bigarrena da hedaduraz (lehena Victoria da), eta munduko handienen artean ere bigarrena da bolumenez eta sakoneraz (lehena Baikal da). Mendebaldeko zibilizaziorako aintzira hura aurkitu zuen Richard Francis Burton esploratzaileak zioenez, tokiko hizkuntzako kou tanganyika aditzetik hartua da izena, eta «elkartu» esan nahi zuen, urak batzen ziren edo tribuak elkartzen ziren tokia zelako.[2]
| Tanganyika | |
|---|---|
 | |
| Datu orokorrak | |
| Garaiera | 773 m |
| Mota | aintzira |
| Luzera | 673 km |
| Zabalera | 72 km |
| Azalera | 32.900 km² |
| Sakonera | 1.433 m 570 m |
| Bolumena | 18.900 km³ |
| Geografia | |
 | |
| Koordenatuak | 6°06′S 29°30′E / 6.1°S 29.5°E |
| Honen parte da | Afrikako Aintzira Handiak Rift Valley lakes (en)  |
| Hidrografia | |
| Betebidea | ikusi
|
| Hustubidea | Lukuga ibaia |
| Arroaren azalera | 231.000 km² |
| Arro hidrografikoa | Congo basin (en) |
Geografia aldatu
Aintzira Rift Haran Handia-n kokatuta dago eta mendiz inguratuta dago.Afrikako bigarren aintzira handiena da azalerari erreparatuz gero, baina sakonena. Tanganyika lau herrialderen menpe dago: Burundi, Kongoko Errepublika Demokratikoa (KED), Tanzania eta Zambia, KEDek (% 45) eta Tanzaniak (% 41) gehiengoa izanik.
Biodibertsitatea aldatu
Aintzira honetan gutxienez 250 espezie arrain ziklido eta beste 150 ez-ziklido bizi dira, gehienak aintziraren errekastroan kokatzen dira, 180 metroko sakoneran.Tanganyika aintzira espezie ezberdinen eboluzioa ikertzeko leku garrantzitsua da.
Historia aldatu
Richard Francis Burton eta John Speke, esploratzaile britaniarrak izan ziren lakua ikusi zuten lehenengo europarrak 1858an. Nilo ibaiaren iturrien bila zebiltzala aurkitu zuten.John Speke bilatzen jarraitu zuen eta benetako iturria aurkitu zuen, Victoria aintzira.
Industria aldatu
Aintziratik arrantzatutako arrainek bertako biztaleriaren proteina iturri nagusiena da.Gaur egun, 45.000 pertsonak lan egiten dute arrantzale moduan. Arrantza komertziala 1950eko hamarkadan hasi zen eta hortik aurrera eragin zuzena izan du bertako espezie ezberdinetan. 1995ean, 180.000 tona arrain harrapatu zituzten.
Erreferentziak aldatu
- ↑ Euskaltzaindia: 60. araua: Aintzirak.
- ↑ «Tanzania», in Adrian ROOM: Placenames of the World, McFarland & Company, 2006, ISBN 0-7864-2248-3 (ikus 368. orrialdea).
Ikus, gainera aldatu
Kanpo estekak aldatu
Datuak: Q5511
Multimedia: Lake Tanganyika / Q5511
| ||
 |
Aintzirak: A – Albert • E – Edward • K – Kivu • T – Tanganyika • Y – Kyoga • V – Victoria • M – Nyassa Eskualdeko estatuak: UG – Uganda • KE – Kenya • CD – Kongoko Errepublika Demokratikoa • RW – Ruanda • BI – Burundi • TZ – Tanzania • ZM – Zambia • MW – Malawi • MZ – Mozambike | |