Susan Leeman
Susan E. Leeman (Chicago, Estatu Batuak, 1930eko maiatzaren 9a) estatubatuar endokrinologoa da, neuroendokrinologiaren sortzaileetako bat.[1][2]
| Susan Leeman | |
|---|---|
| Bizitza | |
| Jaiotza | Chicago, 1930eko maiatzaren 9a (93 urte) |
| Herrialdea |  Ameriketako Estatu Batuak |
| Hezkuntza | |
| Heziketa | Radcliffe College (en)  Goucher College (en) |
| Hizkuntzak | ingelesa |
| Jarduerak | |
| Jarduerak | endokrinologoa eta ikertzailea |
| Enplegatzailea(k) | Bostongo Unibertsitatea |
| Jasotako sariak | ikusi
|
| Kidetza | Ameriketako Estatu Batuetako Zientzien Akademia Nazionala |
Biografia aldatu
Susan Leeman, Susan Epstein, Chicagon jaio zen 1930ean. Ama Estatu Batuetan jaio zen eta aita Errusiatik New Yorkera joan zen. Aita metalurgia- akademikoa zen, eta ama George Washington Unibertsitatera joan zen, emakume gutxik egin zuten une batean. Leemanek sei aste baino ez zituenean, bera eta bere familia Columbusera, Ohiora, joan zen bizitzera, eta gero, sei urte zituela, Belénera, Pennsylvaniara, .[3]
1951n Leemanek Goucher College-ko lizentziatura jaso zuen, eta graduondokoa eta doktoretza Radcliffe College-n, 1954an eta 1958an, hurrenez hurren.[4]
Ibilbide profesionala aldatu
Leemanek 1958an ekin zion bere ibilbideari Harvardeko Unibertsitatean, eta hurrengo urtean Brandeiseko Unibertsitatera joanda, han egon zen hurrengo 12 urteetan. 1972an, lanpostu bat lortzeko aukerarik izan ez zuenez, Leeman Harvardera itzuli zen irakasle laguntzaile gisa 1980ra arte.[5] Gero, medikuntza-eskola utzi zuen, han ez ziotela kargu iraunkorrik eskainiko konturatu zenean.[6] Fisiologia-katedra bat lortu zuen Massachusettseko Unibertsitateko Medikuntza Fakultatean.[7] 1992an, Leemanek Massachusetts utzi zuen Bostongo Unibertsitateko farmakologia-sailari ekiteko.
1974an, Leemanek 'P substantziaren' egitura aurkitu zuen. Peptido horren aurkikuntzak Ulf von Eulerri Nobel Saria eman zion 1970ean.[7] Beste peptido bat ere aurkitu zuen, neurotensina.[5]
Leeman neuroendokrinologiaren sortzaileetako bat da.
Sariak aldatu
- 1987an hautatu zuten Arte eta Zientzien Akademia Amerikarrerako.[5][8]
- 1991n Leeman Zientzien Akademia Nazionalerako fisiologian eta farmakologian hautatutako lehen emakumea izan zen.
- 1993an Zientziaren Bikaintasunerako FASEB saria irabazi zuen (FASEB Excellence in Science Award)
- 2005ean Committee on Women in Neuroscience's Mika Salpeter Lifetime Achievement Award (Emakumeen Batzordeko Mika Salpeter Lifetime Achievement saria).[9]
Erreferentziak aldatu
- ↑ User, Super. «Susan Leeman, PhD» www.brain-gate.org.
- ↑ «Susan E. Leeman, endocrinóloga | Efemérides» Mujeres con ciencia 9 de mayo de 2017.
- ↑ Susan Leeman. Susan E. Leeman. Society for Neuroscience.
- ↑ (Ingelesez) Wayne, Tiffany K.. (2011). American Women of Science Since 1900. ABC-CLIO ISBN 978-1-59884-158-9. (Noiz kontsultatua: 2022-03-04).
- ↑ a b c Kaufman, Ron. (17 May 1993). «BU Professor Wins FASEB Women's Science Award» The Scientist.
- ↑ «Women complain of bias at medical schools - The Boston Globe (Boston, MA) | HighBeam Research» web.archive.org 2014-09-21 (Noiz kontsultatua: 2022-03-04).
- ↑ a b Dolores Kong. (10 de junio de 1991). Women complain of bias at medical schools. via HighBeam Txantiloi:Subscription required.
- ↑ «Susan Epstein Leeman» American Academy of Arts & Sciences.
- ↑ Perfetuo, Kristen. (18 de noviembre de 2005). «BUSM Pharmacology Professor Wins Women in Neuroscience's Lifetime Achievement Award» Boston University Public Relations.
Kanpo estekak aldatu
Datuak: Q17466387
