St Andrewseko katedrala

St Andrewseko katedrala edo San Andres katedrala (ingelesez: St Andrews Cathedral) Eskoziako St Andrews herriko katedral historikoa da, gaur egun hondarretan aurkitzen dena. A mailako eraikina izendaturik dago.

St Andrewseko katedrala
Irudi gehiago
Kokapena
Estatu burujabe	Erresuma Batua
Herrialdea	Eskozia
Eskoziako kontseilu gunea	Fife
Koordenatuak	56°20′24″N 2°47′16″W
Historia eta erabilera
Irekiera	1158 (egutegi gregorianoa)
Erlijioa	katolizismoa
Elizbarrutia	Archdiocese of St Andrews (en)
Izena	Andres
Suntsipena	1560 (egutegi gregorianoa)
Arkitektura
Estiloa	arkitektura gotikoa arkitektura erromanikoa
Ondarea
SM13322 eta LB40585

Historia

San Regulusen eliza erromanikoa izan zena handitzea erabaki zen 1158 urtean eta San Adresen omenezko katedrala eraikitzeko lanak hasi zituzten. Ekaitz batek mendebaldeko zatia suntsitu zuen eta 1272 eta 1279 artean berreraiki egin zuten. 1309an, katedrala eraikitzen ia 150 urte eman eta bukatzear zegoela, Robert the Brucek bere lehen batzar orokorra (parlamentua) deitu zuen bertan, ideia berri batzuk azaltzeko; horiek Elizjendearen Adierazpenean laburbildu ziren. 1318ko uztailaren 5ean sagaratu zuten Robert the Bruce bertan zela. 1378an suak zati handi bat suntsitu zuen eta 1440an konponketa lanak bukatu zituzten.

San Andres apostoluaren hezurrak bertan zeudeneko kondairaren eraginez hurrengo mendeetan St Andrews katedrala Eskoziako erromesaldien erdigunea izan zen, Europako garrantzitsuenetakoa ere bai, eta herri oso kosmopolita bihurtu zen. 1559ko Eskoziako Erlijio Erreforma izan zen eta 1561 urterako bertan behera utzia izan zen katedrala. Denborarekin eraikinak erortzen hasi ziren eta bertako harriak inguruan beste eraikin batzuk egiteko erabili ziren, harik eta 1826an katedralaren hondarrak legez babestu ziren arte.

Hilerria

Hilerrian Eskoziako pertsona garrantzitsuak hilobiratu ziren. Besteak beste:

• Robert Chambers (1802-1871), geologo eboluzionista.
• Adam Ferguson (1723-1816), filosofo eta historialaria.
• Tom Morris gaztea (1851-1875), golf jokalaria.
• Tom Morris zaharra (1821-1908), golf jokalaria.
• James Bell Pettigrew (1834-1908), naturalista.
• Lyon Playfair (1818-1898), zientzialaria eta politikari liberala.
• William Wright (1830-1889), orientalista.
• Lambert Playfair (1828-1899), soldadua, diplomatikoa eta naturalista.

Iruditegia

• 
  San Regulusen dorrea.
• 
  Airetiko ikuspegia.
• 
  Atea.
• 
  Ekialdeko horma.
• 
  Hilerria.

Kanpo estekak

• Historic Scotland webgunea (Ingelesez)

• Datuak: Q2361738
• Multimedia: St Andrew's Cathedral, St Andrews / Q2361738