Eibar KE

Eibar KE (izen osoa Eibar Kirol Elkartea, gaztelaniaz S.D. Eibar edo Sociedad Deportiva Eibar) Eibarko futbol talde nagusia da.

Eibar KE
Datuak
Mota	futbol-kluba
Herrialdea	Espainia
Izengoitia	Armaginak
Liga	Espainiako futbol ligako bigarren maila
Estadioa	Ipurua Futbol Zelaia: Eibar 43.1817°N 2.4758°W / 43.1817; -2.4758  7.083
Agintea
Lehendakaria	Amaia Gorostiza
Zuzendaria	César Palacios
Entrenatzailea	Joseba Etxeberria
Egoitza nagusi	Eibar
Historia
Sorrera	1940
Koloreak
Etxekoa 　 Kanpokoa
webgune ofiziala

Eibar taldea Lehen mailarako igoera ospatzen.

Gipuzkoarren arteko derbia lehen mailan(0-1)

Valentziaren aurkako partida euripean.

Talde armagina, Espainako futbol txapelketako bigarren mailan jarraian denboraldi gehien, 18 denboraldi, igaro duen futbol taldea da. Guztira 25 denboraldi egin ditu Bigarren mailan. 2014-15 urtean historian lehenbizikoz Lehen Mailan jokatu zuen. 2014ko abuztuaren 24an Realaren aurka 1-0 gailenduz egin zuen debuta Ipuruan. Zazpi urte jarraian egin zituen Lehen mailan, hori izan da taldearen "urrezko aroa".

Historia

Sorrera

Eibar Kirol Elkartea 1940ko azaroaren 30ean sortu zen, Deportivo Gallo eta Unión Deportiva Eibarresa elkartu zirenean. Hasiera batean Eibar Futbol Kluba izena hartu zuen, eta gero, Eibar Kirol Elkartea izatera pasatu zen.

Eskualde mailako txapelketatan jokatzen hasi zen eta kolore klasikoak 1943-44 denboraldian hartu zituen Gipuzkoako Federazioak FC Barcelonaren ekipamendua oparitzerakoan, herriko koloreekin bat egiten baitu. 1947an Ipurua futbol zelaia inauguratu zen.

Bigarren mailako lehen aroa

1952-53 denboraldian Bigarren Mailara igo zen eta 1957-58 denboraldira arte egon zen zilarrezko mailan. Urte horietan Espainiako Afizionatuen txapelketa birritan irabazi zuen, 1953an Rayo Vallecano finalean 7-1 garaituz eta 1956an Sevilla FC Amateur 3-0 gaindituz.

Hirugarren mailan

Hurrengo 28 urteak hirugarren mailan egin zituen. Urte horietan 14 promozio jokatu zituen, 1986an bigarren B mailara igo arte. Urte honetan gogoangarria izan zen CD Coria taldearen aurka gainditutako kanporaketa. Hurrengo urtean, 1987-88 denboraldian, Bigarren A mailara igo zen, Alfonso Barasoain gernikarraren eskutik. Aipatu beharrekoa da rte hartan ez zuela partidarik galdu. 1990an taldearen 50. urteurrena ospatzeko Ipuruan Ajax Amsterdamen aurkako partida jokatu zen eta 1-1 berdindu zuten.

Bigarren mailan 18 urte jarraian

Orduz geroztik, 18 denboraldi jarraian mantendu zen kategoria horretan, bigarren mailan, 2005 urte arte. Horrela, Eibar taldea Espainako futbol txapelketako bigarren mailan jarraian denboraldi gehien igaro duen futbol taldea da. Hasierako urteetan azken momentutan salbatzea lortu bazuen ere 1995 eta 1997an bosgarren postuak ere lortu zituen. 2004 urtean Errege Kopako final zortzirenetara iritsi zen. Kanporaketa hura Real Madrilen aurka jokatu zuen, etxean 1-1 egin eta Santiago Bernabeun 2-0 galduta kanporatua izan zen.

2004-05 urtean laugarren amaitu zuen liga baina hurrengo urtean maila galdu zuen. Urte bakarra egin zuen Bigarren B mailan eta berriz igotzea lortu zuen, oraingoan bi denboralditarako.

Lehen mailan (2014-2021)

Eibar - Sevilla.

Deportivo de La Coruña - Eibar.

2012an Gaizka Garitano entrenatzaileak lehen taldearen ardura hartu zuen eta lehenengo denboraldian Eibarrek berriz jokatu zituen Errege Kopako final zortzirenak. Besteak beste Athletic taldea kanporatu zuen eta azkenean Malagak gainditu zuen. Hala ere urte horretan saria izan zuen bigarren A mailara igotzea lortu baitzuen. 2013-14 denboraldian Bigarren A Mailako aurrekontu txikienarekin (4 milioi euro) maila mantentzea zuen helburu baina denboraldi bikaina eginez 2014ko maiatzaren 25an Eibar Kirol Elkarteak Alavesi Ipuruan 1-0 irabazi eta Lehen Mailarako igoera lortu zuen. Bigarren mailako txapelduna gelditu zen gainera.

Kirol mailan lorturikoa administrazio mailan lortu behar izan zuen kapital zabalkundea egin beharra izan baitzuen Espainiako Federazioak eskatzen zion 1.700.000 eurotako abala jarri ahal izateko, bestela bigarren B mailara jeitsiaraziko zuten. Halako diru kopuru handia izanik bazkide kanpaina abiarazi zuten eta Euskal Herrian ezezik Europa zein beste kontinentetatik ere elkartasun itzela jaso zuen. Azkenik epearen aurretik dirua biltzea lortu zuen.

Lehen mailan 2014ko abuztuaren 24an Realaren aurka egin zuen debuta eta 1931-32 denboralditik jokatu gabe zegoen derbi gipuzkoarra jokatu zen beraz. Derbi hura Eibarrek irabazi zuen gainera, 1-0 gailenduz. Denboraldi hasiera bikaina izan zuen eta lehen itzulia bukatzerakoan 8. postuan egon zen, euskal taldeen artean lehenengoa. Bigarren itzulia ordea oso gaizki hasi zuen eta lehen hamar partidak erreskadan galdu zituen. Lehen itzuliko errentari esker 36. jardunaldirarte ez zen jeitsiera postuetan sartu baina amaieran hiru talderen arteko berdinketa izan zen eta Eibarri maila galtzea tokatu zitzaion. Hala ere Elx taldea bigarren B mailara jeitsiarazi zuten zituen zorren erruz eta Eibar lehen mailan mantendu zen.

Denboraldi berrirako Jose Luis Mendilibar entrenatzailea fitxatu zuen eta hasierako entrenamenduak 9 gizonekin eginda zalantzak sortu ziren. Ondoren 16 jokalari berri etorri ziren, tartean Borja Bastón (goleatzaile nagusia izan dena) eta gabonetan Takeshi Inui japoniarra. 2015eko uztailaren 18an taldearen 75. urteurrena ospatzeko Ipuruan Celtic Glasgowren aurkako partida jokatu zen eta 1-4 irabazi zuten eskoziarrek. Denboraldia hala ere bikain hasi zuen eta lehen itzulia 6. postuan amaitu zuen. Aurreko urtean bezala bigarren itzulian okerrago ibili zen baina hiru jardunaldiren faltan matematikoki salbatu zen eta azkenean 14. postuan amaitu zuen, denboraldi guztian lehen hamarren artean egon ondoren.

2016-17 denboraldia bikaina izan zen. 15 partida irabazita 10. postua eskuratu zuen, baina azkenaurreko jardunaldirarte 8. postuan egon zen. 2017-18 urtea are eta hobea izan zen, 9. postua eskuratu zuen eta euskal taldeen artean onena izan zen. 2018-19 denboraldian ondo jokatu zuen eta postu lasaietan egon zen urte osoan. 12. postuan amaitu zuen. 2019-20 denboraldian larriago ibili zen, baina COVID-19 pandemiak eragindako geldialdiaren ondoren maila hobetu eta bi partidaren faltan mailari eustea lortu zuen.

2020-21 denboraldia halamoduz hasi zuen baina bigarren itzulian 16 partida jarraian egin zituen irabazi gabe eta azken unean erreakzioa izan bazuen ere ezin izan zion azken postuari ihes egin. Aipatzeko partida bi izan zituen, bata Bartzelonan lorturiko 1-1 berdinketa, lehen mailan talde kataluniarraren aurka lorturiko puntu bakarra, eta bestetik Alavesi 3-0 irabazi zion partidan Kike Garcíak lorturiko hat-tricka, hau ere lehen mailan lorturiko bakarra.

Lagunartekoak atzerrian

Bi lagunarteko jokatu ditu Frantzian, Estatu Espainiarretik kanpora jokaturiko lehenak, eta biak irabazi ditu Frantziako lehen mailako taldeen aurka, Girondins de Bordeauxi 0-5 eta Toulouse FC-ri 1-3 sartuaz. Maiatzean Estatu Batuetara joan zen eta Philadelphia Fury-rekin 1-1 berdindu eta New York Cosmos-ekin 2-2 berdindu baina penalti jaurtiketatan galdu egin zuen Las Vegasen jokaturiko partidan.

Ziklo berria

2021-22 denboraldia bigarren mailan jokatzeko taldea berregin zen etorkizun hurbilean lehen maila itzultzeko asmoarekin. Berriz ere Gaizka Garitanok hartu zuen taldea entrenatzeko ardura. Aurreneko partidetan makal ibili ondoren denboraldi erditik aurrera lehen bi postutan mantendu zen. Azken partida Alcorcónen zuen eta 90. minutuan jasotako golak igoera zuzenik gabe utzi zuen Eibar. Igoera play-offak ongi hasi bazituen ere itzulerako partidan luzapenean jasotako golak lehen mailarako bidea eten zuen. Hurrengo denboraldia ere bikaina izaten ari zen, 10 partidaren faltan liderra zen, baina bederatzi jardunaldi jarraian egin zituen irabazi gabe eta play-offak jokatu zituen, baina Alavések lortu zuen igoera.

2023-24 denboraldirako Joseba Etxeberria entrenatzailea fitxatu zuen.

Uniformea

Eibar Kirol Elkartearen lehen ekipamendua elastiko urdina eta granatea eta galtza urdinak dira. 1943-44 denboraldian hartu zituen kolore hauek, Gipuzkoako Federazioak FC Barcelonaren ekipamendua oparitzerakoan, herriko koloreekin bat egiten baitu.

Etxeko uniformea

1940	1943	1954	1974	1987	1992
1996	1999	2003	2007	2010	2011-2013
2013-2014	2014-2015	2015-2016	2016-2017	2017-2018	2018-2019
2019-2020	2020-2021	2021-2022	2022-2023

Kanpoko uniformea

2013-2014	2014-2015	2015-2016	2016-2017	2017-2018	2018-2019
2019-2020	2020-2021	2021-2022	2022-2023	2023-2024

Palmaresa

Joseba Llorentek 18 gol sartu zituen 2004-05ean.

Irabazitako tituluak

• Lehen Maila (0): bederatzigarrena 2017-18an
• Bigarren Maila (1): 2014.
• Bigarren B Maila (3): 1988, 2007, 2011.
• Hirugarren Maila (7): 1951, 1953, 1962, 1963, 1967, 1982, 1986.
• Afizionatuen txapelketa (2): 1953, 1956
• Errege Kopa (0):
  • final laurdenak 2017an.
  • final zortzirenak 1987, 2004 eta 2013an.
• Euskal Herria Txapela (1): 2019.

Beste sari batzuk

• Bigarren mailako Zamora saria (4):
  • Jose Ignacio Garmendia: 1992, 1996.
  • Manuel Almunia: 2002.
  • Xabi Iruretagoiena: 2014.
• Bigarren mailako Pitxitxi saria (0):
  • Joseba Llorente: 2005ean bigarrena, 18 golekin.

Kirol ibilbidea

Sakontzeko, irakurri: «Eibar Kirol Elkartearen ibilbide historikoa»

Datuak

2022-23 barne:

• Denboraldiak 1. mailan: 7 (2014-15, 2015-16, 2016-17, 2017-18, 2018-19, 2019-20 eta 2020-21)
• Denboraldiak 2. mailan: 28
• Denboraldiak 2. B mailan: 7
• Denboraldiak 3. mailan: 28
• Ligako posturik onena: 9.a Lehen mailan (2017-18)

Azken urteetako ibilbidea

Urtea	#	Maila	Postua	Errege Kopa
1999-00	2	Bigarren maila	11.a	2. itzulia
2000-01	2	Bigarren maila	15.a	1/32
2001-02	2	Bigarren maila	8.a	1/32
2002-03	2	Bigarren maila	17.a	1/16
2003-04	2	Bigarren maila	10.a	1/8
2004-05	2	Bigarren maila	4.a	1/32
2005-06	2	Bigarren maila	22.a (jeitsi)	4. itzulia
2006-07	3	Bigarren B maila	1.a (igo)	3. itzulia
2007-08	2	Bigarren maila	3.a	3. itzulia
2008-09	2	Bigarren maila	21.a (jeitsi)	2. itzulia
2009-10	3	Bigarren B maila	2.a	1. itzulia
2010-11	3	Bigarren B maila	1.a	1. itzulia
2011-12	3	Bigarren B maila	3.a	3. itzulia
2012-13	3	Bigarren B maila	2.a (igo)	1/8
2013-14	2	Bigarren maila	1.a (igo)	3. itzulia
2014-15	1	Lehen maila	18.a	1/16
2015-16	1	Lehen maila	14.a	1/8
2016-17	1	Lehen maila	10.a	1/4
2017-18	1	Lehen maila	9.a	1/16
2018-19	1	Lehen maila	12.a	1/16
2019-20	1	Lehen maila	14.a	1/16
2020-21	1	Lehen maila	20.a (jeitsi)	1/16
2021-22	2	Bigarren maila	3.a	1/16
2022-23	2	Bigarren maila	5.a	2. itzulia
2023-24	2	Bigarren maila		1/16

Lehen mailako datuak

2020-21 denboraldiko datuak barne, 7 denboraldi.

• Partidak: 266
  • Irabazitakoak: 77 (50 etxean eta 27 kanpoan)
  • Berdindutakoak: 71 (31 etxean eta 40 kanpoan)
  • Galdutakoak: 118 (52 etxean eta 66 kanpoan)
• Puntuak: 302
  • Etxean 181 eta kanpoan 121
• Golak:
  • Sarturikoak: 297 (169 etxean eta 128 kanpoan)
  • Harturikoak: 375 (158 etxean eta 217 kanpoan)
  • Golegile nagusiak:
    • Kike García (35 gol)
    • Sergi Enrich (34 gol)
    • Charles (28 gol)
    • Borja Bastón (18 gol)
    • Fabián Orellana (14 gol)
    • Takashi Inui (13 gol)
  • hat-trick: 1
    • Kike García (Eibar 3-0 Alavés, 2021)
• Txartelak:
  • Horiak: 613
  • Gorriak: 23

Derbiak lehen mailan

Data	Taldea	Emaitza	Taldea
2014-8-24	Eibar KE	1-0	Real Sociedad
2014-9-27	Athletic Club	0-0	Eibar KE
2015-1-24	Real Sociedad	1-0	Eibar KE
2015-3-01	Eibar KE	0-1	Athletic Club
2015-8-30	Eibar KE	2-0	Athletic Club
2015-12-06	Real Sociedad	2-1	Eibar KE
2016-1-24	Athletic Club	5-2	Eibar KE
2016-4-16	Eibar KE	2-1	Real Sociedad
2016-9-24	Eibar KE	2-0	Real Sociedad
2016-10-17	Eibar KE	2-3	Osasuna
2016-12-04	Athletic Club	3-1	Eibar KE
2016-12-11	Eibar KE	0-0	Alavés
2017-2-28	Real Sociedad	2-2	Eibar KE
2017-3-13	Osasuna	1-1	Eibar KE
2017-4-24	Eibar KE	0-1	Athletic Club
2017-4-27	Alavés	0-0	Eibar KE
2017-8-27	Eibar KE	0-1	Athletic Club
2017-11-05	Real Sociedad	3-1	Eibar KE
2017-11-25	Alavés	1-2	Eibar KE
2018-1-26	Athletic Club	1-1	Eibar KE
2018-4-01	Eibar KE	0-0	Real Sociedad
2018-4-15	Eibar KE	0-1	Alavés
2018-8-31	Eibar KE	2-1	Real Sociedad
2018-10-21	Eibar KE	1-1	Athletic Club
2018-11-04	Eibar KE	2-1	Alavés
2019-2-24	Athletic Club	1-0	Eibar KE
2019-3-09	Alavés	1-1	Eibar KE
2019-4-14	Real Sociedad	1-1	Eibar KE
2019-8-24	Osasuna	0-0	Eibar KE
2019-11-24	Eibar KE	0-2	Alavés
2019-11-30	Real Sociedad	4-1	Eibar KE
2019-12-14	Athletic Club	0-0	Eibar KE
2020-2-07	Alavés	2-1	Eibar KE
2020-3-10	Eibar KE	1-2	Real Sociedad
2020-6-18	Eibar KE	2-2	Athletic Club
2020-7-02	Eibar KE	0-2	Osasuna
2020-9-27	Eibar KE	1-2	Athletic Club
2020-10-18	Eibar KE	0-0	Osasuna
2020-12-13	Real Sociedad	1-1	Eibar KE
2020-12-23	Alavés	2-1	Eibar KE
2021-2-07	Osasuna	2-1	Eibar KE
2021-3-20	Athletic Club	1-1	Eibar KE
2021-4-26	Eibar KE	0-1	Real Sociedad
2021-5-01	Eibar KE	3-0	Alavés

Jokalari ezagunenak

Partida gehien jokatu dituzten jokalariak

#	Izena	Guztira	Liga	Kopa
1	Garmendia	562+	507+	55
2	Artetxe	398	381	17
3	Oiartzabal	350	324	26
4	Luluaga	316+	282+	34
5	Arriola	243	222	21
6	Arbilla	233	222	11
7	Xabi Irureta	229	217	12
8	Dani García	224	216	8
9	Luis Fernando	215	201	14
10	Capa	213	195	18

Golegileak

#	Izena	Guztira	Liga	Kopa
1	Luluaga	60+	55+	5
2	Altuna	60	56	4
3	Arruabarrena	51	45	6
4	Stoichkov	42	42	0
5	Sergi Enrich	39	34	5
6	Kike Garcia	37	35	2
7	Oiartzabal	32	28	4
7	Charles	32	28	4
9	Gómez de Segura	30	29	1
10	Arakistain	28	28	0

Gerora internazionalak izan direnak

• Jose Arakistain: 1956an aritu zen. Ondoren Real Madrileko atezaina izan zen.
• Fernando Ansola: 1960an aritu zen. Ondoren Betis, Valentzia eta Errealeko aurrelaria izan zen.
• José Eulogio Garate: 1961 eta 1965 artean aritu zen. Ondoren Atlético de Madrideko aurrelaria izan zen eta hirutan irabazi zuen Pichichi saria.
• Agustin Gisasola: 1969-70 denboraldian aritu zen eta hurrengo 13 denboraldiak Athleticen eman zituen.
• José Diego Álvarez: 1971 eta 1974 artean aritu zen. Ondorengo denboraldiak Errealean egin zituen, bertan bi liga irabaziz.
• Xabi Alonso: 2000-01 denboraldian aritu zen Eibarren. Ondoren Errealean, Liverpoolen, Real Madril eta Bayern Munichen aritu da, Munduko eta Europako kopak eta Txapelduen Ligak irabazi ditu.
• Igor Lediakhov: Sporting de Gijon taldean eta Errusiako selekzioan aritu ondoren Eibarren erretiratu zen 2003an.
• David Silva: Valentziako jokalaria zela, Eibarren utzita jokatu zuen 2004-05 denboraldian. Honek ere Munduko eta Europako txapelketak irabazi ditu, bai eta Premier Leaguea ere Manchester City taldean.

• 
  Jose Arakistain.
• 
  José Eulogio Garate.
• 
  Xabi Alonso.
• 
  Igor Lediakhov.
• 
  David Silva.

Beste jokalari aipagarri batzuk

• Jose Ignacio Garmendia
• Gorka Iraizoz
• Gaizka Toquero
• Oskar Artetxe
• Antonio Karmona
• Alberto Albistegi
• Asier Riesgo
• Josetxo
• Joseba Llorente
• Javier Yubero
• Gaizka Garitano
• Manuel Almunia
• Iñaki Deskarga
• Jon Ander
• Aitor Ocio

2022/2023 Taldea

2022ko irailaren 2an eguneratua.

Zbk. Postua Jokalaria 1 ATE Ander Cantero 2 ATZ Chema Rodríguez 3 ATZ Frederico Venâncio 4 ATZ Rober Correa 5 ATZ Juan Berrocal 6 ERD Sergio Álvarez 7 AUR Quique González 8 ERD Matheus Pereira 9 AUR Gustavo Blanco Leschuk 10 ERD Ager Aketxe 11 AUR Yanis Rahmani 12 ERD Peru Nolaskoain (Athleticetik utzita)

Zbk. Postua Jokalaria 13 ATE Yoel Rodríguez 14 ERD Javi Muñoz 15 ATZ Álvaro Tejero 16 ATZ José Ríos Reina 17 AUR José Corpas 18 AUR Jon Bautista 19 AUR Stoichkov 21 AUR Álvaro Vadillo (Espanyoletik utzita) 23 ATZ Anaitz Arbilla 24 ATZ Cristian Glauder 30 ATZ Imanol García de Albeniz (Athleticetik utzita)

Lehen taldea denboraldika

Eibar 2014-2015

Eibar 2015-2016

Eibar 2016-2017

Eibar 2017-2018

Eibar 2018-2019

Eibar 2019-2020

Eibar 2020-2021

Eibar 2021-2022

Eibar 2022-2023

Eibar 2023-2024

Entrenatzaileak

Aipagarriak

• Alfonso Barasoain: 1996-1990 eta 1998-1999
• Blas Ziarreta: 1999-2002
• Periko Alonso: 1995-1998
• Jose Maria Amorrortu : 2003-2004
• Jose Luis Mendilibar: 2004-2005 eta 2015-2021
• Manix Mandiola: 2006-2008 eta 2010-2012
• Gaizka Garitano: 2012-2015 eta 2021-

Guztiak

1939-1941 Felix Mugerza, Aniceto Albizu, J. Astigarraga 1941-1942 Felix Mugerza 1943-1946 Aniceto Albizu 1946-1948 Celestino Olaizola 1948-1950 Patxi Garate 1950-1958 Antonio Corral 1958-1959 Anastasio Bienzobas 1959-1963 Antonio Mayo 1963-1967 Antonio Corral 1967-1968 Alberto Zapirain, J. Luis Duque 1968-1969 Santiago Bardaji 1969-1971 Paco Arberas 1971-1973 Luis Ziaurritz 1973-1974 Juanito Arriaran 1974-1975 Pedro Iguaran, Ramón Murguiondo 1975-1976 Martin Susilla, Alberto Ormaetxea 1976-1977 Paco Arberas 1977-1978 Ricardo Urdampilleta, Dioni Urreisti 1978-1979 Dioni Urreisti 1979-1981 Javier Alcantara 1981-1984 José M. Arrizabalaga 1984-1986 Juanjo Arrieta 1986-1990 Alfonso Barasoain 1990-1992 Mikel Etxarri

1992-1993 Jose Mendiluze 1992-1993 Jesús Mari Lacasa, Xepe Gallastegi 1993-1995 Jose Mari Arakistain 1995-1998 Periko Alonso 1998-1999 Enrike Ormaetxea 1998-1999 Alfonso Barasoain 1999-2002 Blas Ziarreta 2002-2003 Javi Pérez, Juanjo Arrieta 2003-2004 Jose Maria Amorrortu 2004-2005 Jose Luis Mendilibar 2005-2006 Carlos Terrazas 2005-2006 Roberto Olabe 2005-2006 Javi Pérez 2006-2008 Manix Mandiola 2008-2009 Carlos Pouso 2008-2009 Josu Uribe 2009-2010 Ángel Viadero 2010-2012 Manix Mandiola 2012-2015 Gaizka Garitano 2015-2021 Jose Luis Mendilibar 2021-2023 Gaizka Garitano 2023-... Joseba Etxeberria

Presidenteak

1940-1946 Juan Artamendi 1946-1948 Bernardino Odriozola 1948-1949 Crispin Garate 1949-1957 Manolo Escodin 1957-1958 Boni Guisasola 1958-1959 Tomas Etxaluze 1959-1961 Manolo Zubia 1961-1962 Pedro Irusta 1962-1965 Luis Maria Fernández de Betoño 1965-1967 Luis María Aranegi

1967-1968 Roberto Cadenas 1968-1974 José González Ortiz de Zárate 1974-1977 Eusebio Oyarzun 1977-1984 Pako Markiegi 1984-1988 Javier Arrieta 1988-2002 Juan Luis Mardaras 2002-2009 Jaime Barriuso 2009-2016 Alexander Aranzabal 2016-egun Amaia Gorostiza

Harrobia

• Eibar B: 1994an sortu zen eta 2012an desagertu.
• Gaur egun (gizonezkoak):
  • 2. taldea: CD Vitoria. 2015eko udan, 3.mailara bueltatzea lortu eta gero, Eibarrren harrobiko taldea izateko akordioa sinatu zuen.
  • 3. taldea: Eibar Urko. 2016ko ekainean Urkomendi 14 FT taldearekin bat egin eta hirugarren taldea sortu zen. Eibar Urko izenarekin erregionaleko taldeaz gain gazteen taldea ere sortu da.
  • Hauetaz gain adin guztietan osatu ditu taldeak Eibar Kirol Elkarteak.

Emakumezkoen taldea

Sakontzeko, irakurri: «Eibar KE (emakumezkoen taldea)»

Emakumezkoen mailan Lurraldeetako Emakumezkoa taldea du, hala ere Eibartarrak FT taldea Emakumezkoen lehen mailan aritua izan da eta 2000-01 denboraldian bigarren postuan gelditu zen. 1999an Erregina Koparen finala jokatu zuen, Oroquieta Villaverde taldeak irabazi zuen 3-1 emaitzaz.

Urteak bigarren mailan jokatu ondoren 2020. urtean Lehen mailara igotzea lortu zuen. Bigarren talde bat ere badu, Eibar B, honek Gipuzkoako erregionalean jokatzen du.

Futbol Zelaia

Ipurua futbol zelaia.

Ipurua Futbol Zelaia 5.250 Ikusle
Zelaiaren neurriak: 103x65 Metro
Helbidea: Ipurua, 2 20600 Eibar (Gipuzkoa)
Inaugurazioa: 1947
Lehen partida: Eibar 0 - Elgoibar 2

Ipurua 1947. urteko irailaren 14an inauguratu zen. Emaitza 0-2 izan zen elgoibartarren alde, Eulogio Echeverria (penaltyz) eta Ayestaren golekin.

Ereserkia

Erresekia entzun: [1]

Eibarko futbol taldea

apala bezain trebea

guztioi garaipena eskaintzeko

borrokatuko du.

Gure herriko jendeak

betidanik du esaten

Eibarrek ez duela sekula

atzera egiten.

Gorria eta urdina

dira guretzat

garaipenaren koloreak.

Mutilen a(ha)legina

animatzeko

dira eibartarron txaloak.

Pil-pil dago Ipurua

garaipena lortu arte

ez dugu etsiko.

Eibarko futbol taldea...

Gure herriko jendeak...

Gorputz eta arima

talde ta zaletu

eibartar denok

aurrera goaz.

Atzean sendo

aurrean zorrotz

hamaikakoa

garaipenaren bila.

Ipuruan zaletuok

taldearekin bat eginda

bultza dezagun

beti Eibar.

Eibarko futbol taldea...

Gure herriko jendeak...

Guk, bihotz emango dugu

Eibar beti aurrera!!!

Zaleak: Eskozia La Brava

Eskozia La Brava da Eibar Kirol Elkartearen zale talde nagusia. Zale batzuek Bost Nazioen Torneoko partidak ikustea gogoko zuten eta Murrayfield Stadiumean bizi zen giroaz liluratuta 2001ean "Eskozia La Brava" taldea eratzea erabaki zuten. Gaur egun 100 bazkide inguru dituzte.

Kanpo estekak

• (Gaztelaniaz) Eibar KE futbol taldearen webgunea

• Datuak: Q770740
• Multimedia: SD Eibar / Q770740