Sinu pilonidala edo kiste pilonidala eskualde sakro-kokzigeoan, ile-folikulu batetik garatutako kistea da: zaku-moduko bat da, ezkata-epitelio geruzatuz tapizatua, ile-aztarnak eduki ditzakeena bere barruan, eta gutxi-asko barreiatu daitekeena.[1] Gaixotasun honen sintomak mina, hantura eta gorritasuna izan daitezke.[2] Arrisku-faktoreek honako hauek barne hartzen dituzte: obesitatea, familia-aurrekariak, denbora luzez eserita egotea, ile gehiago izatea eta ariketa ez egitea.[3] 10.000 pertsonatik 3ri eragiten die urtero, eta maizago gertatzen da gizonen artean emakumeen artean baino.[3]